У сталічным інтэрнаце ад удару токам загінула жанчына
35-гадовая жанчына загінула ад удару токам у ванным пакоі мінскага інтэрната, паведамляе Следчы камітэт.
12.01.2025 / 14:34
Паводле папярэдняй інфармацыі, увечары 11 студзеня 35-гадовая жанчына ўключыла пральную машыну і пайшла прымаць ванну.
Акрамя таго, яна ўзяла з сабой мабільны тэлефон, падлучыўшы да сеткі электрасілкавання.
Праз некаторы час суседзі па блоку ў інтэрнаце пачулі дзіўныя гукі з пакоя, адкрылі памяшканне і ўбачылі, што мінчанку трасе ад удару токам.
Нягледзячы на праведзеныя рэанімацыйныя мерапрыемствы выратаваць яе не ўдалося.