Rasija ŭdaryła pa internacie ŭ Sudžy, dzie ŭkraincy raźmiaścili pažyłych rasijan ź invalidnaściu. Zahinuła žančyna
PKS Rasii skinuli avijabombu na škołu-internat u zaniataj USU Sudžy Kurskaj vobłaści, zajaviŭ kiraŭnik ukrainskaj vajennaj kamiendatury horada Alaksiej Dźmitraškoŭski.
12.01.2025 / 14:55
«Učora ŭviečary rasijskaja avijacyja naniesła dva avijacyjnyja ŭdary ŭ rajonie internata horada Sudža. U vyniku hetaha žančyna atrymała irvanuju ranu ruki. Pa stanie na ranicu hetaja žančyna pamierła», — skazaŭ jon.
Fota razbambavanaha internata źjavilisia ŭ pabliku «Sudža rodnaja».
U škole-internacie raźmiaščalisia kala 70 pažyłych ludziej, u tym liku ź invalidnaściu, chvarobaj Parkinsana, paśla insultaŭ.
Ułady Rasii, mahli viedać, što ŭ internacie niama vajskoŭcaŭ, bo pastajalcaŭ internata raniej pakazvali ŭkrainskija i zamiežnyja žurnalisty ŭ svaich repartažach.
Minabarony Rasii ŭ śviežaj zvodcy zajaviła, što ŭ Sudžy «ŭdarami apieratyŭna-taktyčnaj, vajskovaj avijacyi i ahniom artyleryi raźbity žyvaja siła i technika supiernika».