Navukoviec znajšoŭ pad Minskam karał, jakomu bolš za 400 miljonaŭ hadoŭ
Vykapniovy łancužkovy karał vykładčyk BNTU adšukaŭ u Kałodziščach.
12.01.2025 / 20:27
Łancužkovy karał, adšukany ŭ Kałodziščach. Fota: telehram-kanał «Minskij rajon LIVE»
Pra heta paviedamlaje telehram-kanał «Minskij rajon LIVE».
Staražytny artefakt adšukaŭ Dźmitryj Ściepanienka, prafiesaru kafiedry «Kanstrujavańnie i vytvorčaść pryboraŭ» BNTU. I choć jaho śpiecyjalnaść nijak nie źviazanaja z pryrodaznaŭstvam, jon zachaplajecca vyvučeńniem kamianioŭ i vykapniaŭ.
Dźmitryj Ściepanienka. Fota z asabistaha archiva
Łancužkovyja karały, taksama viadomyja jak halizity, źnikli z płaniety Ziamli. Ich apošnija pradstaŭniki sfarmavalisia prykładna 412 miljonaŭ hadoŭ tamu.
Dla Ściepanienki heta nie pieršaja značnaja znachodka ŭ Biełarusi. Asabliva jon adznačaje svaje rakaviny amanitaŭ — maluskaŭ, jakija žyli bolš za 145 miljonaŭ hadoŭ tamu. Ich jon vyjaviŭ u miełavyj karjery ŭ Lubanskim rajonie. Da niadaŭniaha času samaj staražytnaj znachodkaj dla daśledčyka byli kavałki pancyraŭ ryb, jakija isnavali bolš za 350 miljonaŭ hadoŭ tamu.
Płaścina pancyrnaj ryby, znojdzienaja ŭ karjery «Hralova» pad Viciebskam. Fota z asabistaha archiva
Ściepanienka adznačaje, što ŭ miełavych karjerach možna znajści šmat cikavych vykapniaŭ. Naprykład, u Lubanskim rajonie jon znachodziŭ častki marskich lilejaŭ, marskich vožykaŭ i navat zuby akuł.