Supracoŭniki DAI ŭ Viciebsku zatrymali pjanuju maci, jakaja viezła syna ŭ dziciačy sadok
U Viciebsku supracoŭniki DAI spynili Citroen, za rulom jakoha była 25-hadovaja žančyna, a ŭ sałonie znachodziŭsia jaje 6-hadovy syn.
13.01.2025 / 16:02
Skryn milicejskaha videa
Inśpiektary DAI spynili Citroen, jakim kiravała miascovaja žycharka. Pavodle paviedamleńnia DAI, jana była «ź vidavočnymi prykmietami apjanieńnia». U sałonie znachodziŭsia jaje 6-hadovy syn.
Miedycynski ahlad pakazaŭ u žančyna zvyš 1,1 pramile ałkaholu. Jana patłumačyła, što napiaredadni adznačała dzień naradžeńnia dziciaci, vypiła butelku šampanskaha i paŭbutelki vina, a rankam adčuvała siabie dobra.
Na žančynu składzieny administracyjny pratakoł za niećviarozaje kiravańnie.
Joj budzie pryznačany štraf u 200 bazavych vieličyń (8,4 tysiačy rubloŭ), taksama jaje pazbaviać pravoŭ kiroŭcy na 5 hadoŭ, paviedamlaje DAI Viciebščyny.