U byłoha dyrektara J:MORS pamierła 12-hadovaja dačka, jakaja doŭha lačyłasia ad hienietyčnaha zachvorvańnia
13.01.2025 / 17:4
Biełaruski pradziusar, były dyrektar hurta J:MORS Rusłan Starykoŭski paviedamiŭ u fejsbuku pra śmierć svajoj dački Sofji. Jana była chvoraja na redkaje hienietyčnaje zachvorvańnie, i šmat hadoŭ tamu jaje baćka achviaravaŭ prafiesijnaj karjeraj, kab jaje ŭratavać.
Fota: facebook.com/staricovsky
«Jak skazaŭ adzin moj siabar, niekatoryja rok-zorki iduć z hetaha śvietu rana tolki tamu, što jany addali nam usiu svaju luboŭ.
Safikosika bolš niama. Jaje ziamnaja historyja samaj bieskaryślivaj u śviecie lubovi skončanaja. Navat niahledziačy na ŭsie niahody i piakielnyja pakuty apošnich miesiacaŭ, jana znachodziła ŭ sabie siły ŭśmichacca i śpiavać nam pieśni.
Byvaj, dačuška!» — napisaŭ Rusłan Starykoŭski.
Historyja pra trahiedyju jahonaj małoj dački i samaachviarnaść jaje baćki niekalki hadoŭ tamu aśviatlałasia ŭ ŚMI.
Sonia naradziłasia ŭ 2012 hodzie i z naradžeńnia była chvoraja na sindrom Karnelii de Łanhie — hienietyčna abumoŭlenaje zachvorvańnie. Kab dapamahčy dziciaci i kłapacicca pra jaho, baćka achviaravaŭ svajoj karjeraj. 90% dziaciej z takim sindromam nie dažyvajuć da 3-ch hadoŭ, ale Sonia pražyła da 12-ci.
Čytajcie taksama:
Pamierła piśmieńnica Śviatłana Jaŭsiejeva — maci Lavona Volskaha