Hamialčuk sam dadaŭ sabie termin źniavoleńnia, kab apraŭdać prahuły
Jak piša homielskaje vydańnie «Biełka», minułym letam mužčyna na 10 sutak trapiŭ u izalatar časovaha ŭtrymańnia za pravaparušeńnie. Kali vyjšaŭ na volu, to atrymaŭ daviedku z paznačeńniem pieryjadu źniavoleńnia. Ale na pracu jon nie śpiašaŭsia i tamu sam pierapraviŭ 10-dzionny aryšt na 15-dzionny.
13.01.2025 / 20:08
Supracoŭniki adździeła kadraŭ, kudy mužčyna addaŭ daviedku, zaŭvažyli vypraŭleńnie ŭ joj i vyrašyli pierapravieryć infarmacyju ŭ izalatary. Tam paćvierdzili, što ich rabotnik na samaj spravie adsiedzieŭ na piać sutak mienš.
Skončyłasia padrobka dakumienta zvalnieńniem i sudom.
«Na pracy mužčyna charaktaryzavaŭsia niehatyŭna, byŭ schilny da chłuśni. Tamu hetym razam praciahvać ź im pracoŭnyja stasunki nie stali. A za padrobku dakumienta sud pryznačyŭ jamu hod abmiežavańnia voli biez nakiravańnia ŭ papraŭčuju ŭstanovu», — raskazali pra vyniki razhladu spravy ŭ homielskaj prakuratury.
Žychar Homiela znajšoŭ na vulicy 1800 «dubloŭ». Usio skončyłasia kryminalnaj spravaj
Svajaki asudžanych sutyknulisia z novym machlarstvam