Vieterynara sa Śmiłavičaŭ asudzili pa piaci palityčnych artykułach. Jamu pahražała da 12 hadoŭ kałonii
Arcioma Kucharonka vinavacili ŭ «zaklikach da sankcyj» i «sadziejničańni ekstremizmu». Voś jak jaho znajšli.
14.01.2025 / 08:00
Fota z bazy «Kibierpartyzanaŭ»
Arciomu Kucharonku 42 hady. Pa źviestkach Digital intelligence team, jon rodam sa Śmiłavičaŭ Červienskaha rajona. Vučyŭsia ŭ Viciebskaj dziaržaŭnaj akademii vieterynarnaj miedycyny.
Arciom usio žyćcio pracavaŭ u hetaj śfiery — vieterynarnym doktaram, vykładčykam u Śmiłavickim dziaržaŭnym sielskahaspadarčym kaledžy, technikam. Taksama jon dyrektar vieterynarnaj firmy «ChimViet».
Amal zaŭždy pracavaŭ na niekalkich pracach adnačasova — ahułam u bazach «Kibierpartyzanaŭ» dziasiatki zapisaŭ pra jahonyja pracy.
Arciom Kucharonak. Fota ź jahonych sacsietak
Apošnija kamientary Arcioma datujucca traŭniem 2024 hoda, paśla jon źnik z sacsietak. Imavierna, tady Kucharonak i byŭ zatrymany.
Padobna, što sprava ŭ jahonych dopisach u sacsietkach i kamientarach u telehramie — akaŭnty nazyvajucca jaho ŭłasnym imiem, a telehram-akaŭnt pryviazany da ŭłasnaha telefona Arcioma.
Kucharonka sudzili ŭ Minskim haradskim sudzie. Jaho vinavacili pa piaci artykułach — «udzieł u ekstremisckim farmiravańni» (č. 3 art. 361-1), «raspalvańnie varožaści» (č. 1 art. 130 KK), «sadziejničańnie ekstremisckaj dziejnaści» (č. 1 i č. 2 art. 361-4 KK), «zakliki da sankcyjaŭ» (č. 3 art. 361 KK) i «abrazie Łukašenki» (č. 1 art. 368 KK).
Sudziŭ jaho 36-hadovy Siarhiej Kacar. Jon vydaŭ biełarusam niekalki dziasiatkaŭ tysiač rubloŭ štrafaŭ i niekalki tysiač sutak aryštu pa administracyjnych pratakołach, a taksama bolš za sotniu hadoŭ źniavoleńnia pa kryminalnych spravach.
Siarhiej Kacar z žonkaj. Fota ź jahonaj staronki Ukantakcie
Jak zaścierahčy siabie ŭ VK, Facebook i «Adnakłaśnikach» — padrabiazny hajd
Raskazvajem, jak daviedacca, dzie i kamu vy stavili łajki ŭ sacsietkach, i pierastrachavacca
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć