U Maskvie na pracoŭnym miescy zabity supracoŭnik kontrvyviedki FSB
U budynku Minabarony Rasii nočču 13 studzienia byŭ zabity supracoŭnik kontrvyviedki FSB, paviedamlaje insajdarski kanał VČK-OHPU.
14.01.2025 / 09:33
Pavodle źviestak kanała, zdareńnie adbyłosia ŭ noč na 13 studzienia ŭ viedamasnym budynku pa adrasie: Alchoŭskaja vulica, 25. Tam raźmiaščajucca roznyja struktury Minabarony Rasii, a taksama ŭpraŭleńnie FSB pa Maskoŭskaj vajennaj akruzie.
Na pracoŭnym miescy było znojdziena cieła supracoŭnika FSB Uładzimira Fieščanki. Na łbie ŭ jaho była rana, paviedamlaje kanał.
Pa infarmacyi kanała, Fieščanka byŭ zabity byłym sasłužyŭcam, ź jakim niekali słužyŭ na Dalokim Uschodzie. U tavaryša byŭ na rukach bilet na ciahnik, jaki adpraŭlaŭsia z Maskvy nočču. Fieščanka vyrašyŭ pravieści čas ź siabram. Ale pamiž imi adbyŭsia niejki kanflikt.
Padazravany ŭ zabojstvie zatrymany.
Zabity supracoŭnik FSB byŭ spartsmienam: u svoj čas jon zavajavaŭ zvańnie absalutnaha čempijona Jeŭropy pa hiravym sporcie.