Fica nie pajedzie ŭ Kijeŭ dla abmierkavańnia tranzitu hazu
Robiert Fica, premjer-ministr Słavakii, nie pajedzie ŭ Kijeŭ u piatnicu pa zaprašeńni Uładzimira Zialenskaha dla abmierkavańnia pytańnia tranzitu hazu. Pra heta paviedamiŭ vice-śpikier parłamienta Słavakii ŭ intervju ahienctvu TASS.
14.01.2025 / 11:38
Robiert Fica. Fota: Omar Havana / AP
Raniej Robiert Fica źviarnuŭsia da Uładzimira Zialenskaha, i zaklikaŭ jaho pravieści pieramovy pa pytańni tranzitu rasijskaha hazu. Fica prapanavaŭ pravieści sustreču na terytoryi Słavakii, pablizu miažy z Ukrainaj. Adkaz Zialenskaha nie zatrymaŭsia.
«Vaša rašeńnie spynić tranzit hazu praz Ukrainu ŭ bok Słavakii i inšych spažyŭcoŭ nanosić vielizarnuju škodu samoj Ukrainie, Słavakii i Jeŭrasajuzu», — zajaviŭ u svaim zvarocie Robiert Fica.
Zialenski ŭ adkaz na šmatsłoŭny zvarot adkazaŭ łakanična:
«Akiej. Pryjazdžaj u piatnicu ŭ Kijeŭ», — napisaŭ jon u sacsietcy Ch.