За данаты будуць судзіць асуджанага кіраўніка ювелірнай майстэрні з Наваполацка
Уладальнік ювелірнай майстэрні «Самародак» Міхаіл Лабань у 2022 годзе быў асуджаны на 4 гады пазбаўлення волі за паклёп і абразу Лукашэнкі і прадстаўнікоў улады.
14.01.2025 / 12:33
У мінулым годзе адбыўся суд аб узмацненні ўмоў пакарання — з пераводам з калоніі ў турму, паведамляе тэлеграм-канал «Віцебск, я гуляю».
Стала вядома, што 29 студзеня Міхаіла будуць зноў судзіць — цяпер паводле ч. 2 арт. 361 КК (фінансаванне дзейнасці экстрэмісцкага фармавання). Паседжанне пройдзе ў Віцебскім абласным судзе.
У Міхаіла двое дзяцей.