U Biełarusi źjavicca bazavy taryf mabilnaj suviazi
U Biełarusi z 1 krasavika 2025 hoda ŭvodzicca novy sacyjalny standart — bazavy abjom pasłuh mabilnaj suviazi.
14.01.2025 / 14:33
Heta zamacavana pastanovaj urada ad 31 śniežnia 2024 hoda № 1073, apublikavanaj siońnia na Nacyjanalnym pravavym partale.
Zhodna z dakumientam, u bazavy abjom pasłuh mabilnaj suviazi buduć uvachodzić: 200 chvilin hałasavoha trafiku ŭ miesiac va ŭsie sietki elektrasuviazi na terytoryi Biełarusi, 2 Hb trafiku pieradačy danych, 50 SMS-paviedamleńniaŭ.
Z 1 krasavika 2025 hoda apieratary mabilnaj suviazi pavinny buduć uvieści ŭ svaju liniejku taryfny płan z bazavym abjomam pasłuh mabilnaj suviazi, jaki budzie farmiravacca z hraničnym narmatyvam rentabielnaści ŭ 25%.
Akramia taho, dakumient unosić źmieny ŭ praviły davańnia pasłuh elektrasuviazi. Naprykład, udakładniena, što minimalny termin dziejańnia taryfnaha płana na pasłuhi mabilnaj suviazi składaje dva hady z dnia jaho ŭstanaŭleńnia.