Pradprymalnyja žychary Mahilova samastojna kalečyli siabie, kab atrymać strachoŭku. Jany zarabili 435 tysiač rubloŭ
Suprać ich zaviali kryminalnuju spravu, paviedamlaje pres-słužba Hienprakuratury.
14.01.2025 / 16:00
Viadoma, što jany z 2021 pa 2024 hod zaklučali damovy dobraachvotnaha strachavańnia ad niaščasnych vypadkaŭ u roznych haradach Biełarusi. Paśla hetaha jany naŭmysna nanosili sabie roznyja cialesnyja paškodžańni.
Z traŭmami biełarusy źviartalisia va ŭstanovy achovy zdaroŭja, dzie miedrabotniki afarmlali dakumienty pra abstaviny atrymańnia traŭmaŭ tolki sa słoŭ abvinavačanych.
«Paśla lačeńnia abvinavačanyja źviartalisia ŭ strachavyja arhanizacyi i infarmavali ich pra nibyta niaščasnyja vypadki, jakija mieli miesca — heta było padstavaj dla naličeńnia i pierakładu im niezakonnych strachavych vypłat», — paviedamlaje viedamstva.
Takim čynam abvinavačanyja zmahli zarabić bolš za 435 tysiač rubloŭ.
Biełarusaŭ abvinavacili ŭ machlarstvie (častka 4 artykuła 209 KK). Troch abvinavačanych źmiaścili ŭ SIZA, jašče čaćviora znachodziacca pad padpiskaj ab niavyjeździe.