U Ivacevičach vyratavali busła, jaki zamiarzaŭ na vulicy. U MNS dapamahli nie adrazu
Žychary Ivacevičaŭ u pačatku studzienia zaŭvažyli na vulicy busła, jaki nie zmoh palacieć na poŭdzień. Ptuška vidavočna zamierzła.
14.01.2025 / 16:24
Fota: ivatsevichy_1pr
Busła zaŭvažyli na vulicy 70 hadoŭ Kastryčnika ŭ Ivacevičach 6 studzienia. Jon sprabavaŭ schavacca ad śniehu pad domam.
Vidavočcy raskazali, što telefanavali ŭ MNS, adnak tam im adkazali, što dapamahčy nie mohuć. Pryrodaachova taksama ŭziałasia za spravu nie adrazu, piša ivatsevichy_1pr.
U vyniku ptušku ŭsio ž vyratavali. Da spravy padklučylisia supracoŭniki MNS, jakija advieźli busła da vieterynara. Paśla ahladu jaho pieradali ŭ Respublikanski zakaźnik «Vyhanaščanskaje», dzie jamu dapamohuć pierazimavać, piša kanał «Ivacieviči News».
Skrynšot videa
Zvyčajna busły laciać na zimoŭku ŭ žniŭni i viartajucca ŭ krasaviku. Adnak niekatoryja ptuški nie mohuć palacieć na poŭdzień z-za asłablenaha arhanizma. U takim vypadku zimoj jany mohuć zahinuć ad hoładu i choładu.
U Mahilovie ŭ «Jeŭraopcie» pad stollu raźviesili skryni z klejem i atrutaj dla vierabjoŭ
U Hrodzienskaj vobłaści zaŭvažyli pieralotnych ptušak
U Barysavie na akno šmatpaviarchovika prylacieŭ paŭlin FOTAFAKT