Novy pakiet sankcyj Jeŭrasajuza moža zakranuć rasijski aluminij
U 16-y pakiet sankcyj Jeŭrasajuza płanujuć uklučyć zabaronu na pastaŭki rasijskaha pieršasnaha aluminiju, paviedamiła ahienctva Reuters sa spasyłkaj na jeŭrapiejskich dypłamataŭ.
14.01.2025 / 22:13
Fota ilustracyjnaje
Pavodle źviestak ahienctva, abmiežavańni buduć uvodzić paetapna. Čarhovyja abmiežavańni chočuć pryniać da treciaj hadaviny rasijskaha ŭvarvańnia va Ukrainu.
Pavodle danych Jeŭraparłamienta za maj 2024 hoda, krainy ES kuplajuć aluminij z Rasii na sumu kala €2,3 młrd. Pavodle ich acenak, dola rasijskaha mietału ŭ ahulnym abjomie pastavak z 2018 hoda ŭpała z 25% da 8%.
Sa studzienia pa kastryčnik 2024-ha ES impartavaŭ bolš za 130000 mietryčnych ton aluminija z Rasii, abo kala 6% ad ahulnaha abjomu impartu ŭ 2,2 młn ton. Dla paraŭnańnia, u anałahičnyja pieryjady 2023-ha i 2022 hoda hetaja dola składała 11% i 19% adpaviedna.
U kancy 2023 hoda Jeŭrasajuz zabaraniŭ pastaŭki aluminijevaha drotu, folhi i trub. Ale hetyja abmiežavańni raspaŭsiudžvajucca tolki na nievialikuju častku (mienš za 15%) usiaho aluminiju, jaki JEZ impartuje z Rasiei. Poŭnaja zabarona rasijskaha aluminiju była niemahčymaja z-za pazicyi niekatorych krain — členaŭ ES.
U vypadku zabarony kampanii ź ES i ZŠA, dzie ŭžo ŭviedzienyja sankcyi na rasijski aluminij, mohuć pačać kankuravać za pastaŭki z krain Blizkaha Uschodu, uklučajučy AAE i Bachrejn.
Z-za sankcyj ZŠA drejfujuć u mory jak minimum 65 tankieraŭ z rasijskaj naftaj
Dziesiać krain ES zaklikali całkam zabaranić impart rasijskaha hazu
Praz sankcyi prodažy novych aŭto ŭ Biełarusi rekordnyja za apošnija piać hadoŭ