Praciahnuli abmiežavańnie na vyvaz aharodniny i jabłykaŭ
Urad na try miesiacy padoŭžyŭ licenzavańnie vyvazu biełakačannaj kapusty, jabłykaŭ, repčataj cybuli, morkvy i burakoŭ. Adpaviednuju pastanovu padpisaŭ premjer-ministr Raman Hałoŭčanka, paviedamlaje pres-słužba ŭrada.
15.01.2025 / 21:28
U paviedamleńni ŭrada adznačajecca, što vyvaz hetaj pradukcyi niezaležna ad krainy jaje pachodžańnia za miežy Respubliki Biełaruś budzie ažyćciaŭlacca pa razavych licenzijach, jakija vydajucca Ministerstvam antymanapolnaha rehulavańnia i handlu pa ŭzhadnieńni ź Minsielhascharčam, abłvykankamami i Minskim harvykankamam.
«Pastanova pryniataja ŭ metach zabieśpiačeńnia ŭnutranaha rynku hetaj sielskahaspadarčaj pradukcyjaj u mižsiezonny pieryjad u poŭnym abjomie», — adznačyli ŭ pres-słužbie.
Papiaredni raz takoje licenzavańnie ŭviali ŭ kastryčniku 2024 hoda. Tady, adnak, havorka išła tolki pra kapustu, cybulu i jabłyki, morkva i buraki dadalisia hetym razam.
Z 1 studzienia admieniać pošliny na impartnyja jabłyki, bulbu i morkvu
U Biełarusi stali sadzić mienš bulby
Pobač ź Minskam adkryŭsia novy rynak. Ci jechać tudy zamiest Kamaroŭki i Tabaraŭ?