Na rynku smartfonaŭ bolš nie budzie brenda Nokia
Finskaja kampanija HMD Global, jakaja raspracoŭvaje i pradaje smartfony Nokia, źniała ich z prodažu. Na sajcie kampanii telefony bolš niedastupnyja dla pakupki.
15.01.2025 / 21:42
Fota: Ying Tang/NurPhoto via Getty Images
Prodažy smartfonaŭ Nokia spynienyja, kampanija HMD Global całkam pierajšła na vykarystańnie ŭłasnaha brenda.
Ciapier na sajcie pradaŭca smartfony i płanšety Nokia pieraniesienyja ŭ asobnuju ŭkładku «sastarełych» pryład i paznačanyja nadpisam: «Hety telefon bolš nie dastupny».
Kupić na partale HMD možna tolki apošnija madeli smartfonaŭ ułasnaha brenda — HMD Key, Arc, Skyline, Fusion, Aura i Pulse.
Pry hetym kampanija płanuje praciahvać vykarystoŭvać brend Nokia, ale tolki dla prostych i niedarahich knopkavych telefonaŭ.
Adnoj z pryčyn pakidańnia Nokia rynku akazałasia jaje niazdolnaść kankuravać z hihantami haliny Apple i Samsung. Finski brend nie zmoh ukaranić značnyja inavacyi ŭ vytvorčaść dla kankurencyi ź lidarami rynku.
Kalinoŭski, Šrek, Nokia 3310. Cichanoŭskaja zapoŭniła ankietu, jak u dziacinstvie