U Rasii abvalilisia prodažy biełaruskich aŭtobusaŭ
Pa vynikach 2024 hoda prodažy aŭtobusaŭ Minskaha aŭtazavoda (MAZ) u Rasii skaracilisia na 45,5%, niahledziačy na ahulny rost rynku na 15%.
16.01.2025 / 11:27
Biełaruskija aŭtobusy rehularna harać u Rasii
U lidarach prodažu ciapier znachodziacca rasijskija pradpryjemstvy, jakija istotna pavialičyli abjomy vytvorčaści. Pra heta paviedamili ŭ kampanii «ASM-chołdynh».
U 2024 hodzie MAZ pradaŭ u Rasii 504 aŭtobusy, u toj čas jak u 2023 hodzie — 925.
U 2023 hodzie biełaruskaje pradpryjemstva ŭvachodziła ŭ top-4 na rasijskim rynku, ale ciapier apuściłasia na 9-je miesca.
Ahulny abjom rynku ŭ 2024 hodzie skłaŭ 19,7 tys. novych aŭtobusaŭ, što na 2,7 tys. bolš, čym u 2023 hodzie.
U top-5 prodažu ŭvajšli: PAZ (Rasija), LIAZ (Rasija), YUTONG (Kitaj), NEFAZ (Rasija), Volzhanin (Rasija).
Prodažy niekatorych rasijskich zavodaŭ vyraśli na 26—63%.
Prodažy hruzavych aŭtamabilaŭ MAZ u Rasii taksama źnizilisia: u 2024 hodzie było pradadziena 5719 hruzavikoŭ, što na 10,7% mienš, čym u 2023 hodzie.
Adnak heta adpaviadaje ahulnamu padzieńniu rynku: u Rasii ŭ 2024 hodzie prodažy novych hruzavikoŭ skaracilisia na 12%.
U 2023 hodzie na MAZie zajaŭlali pra rekordnyja abjomy vytvorčaści aŭtobusaŭ. U bližejšy čas, vierahodna, budzie zapuščany novy aŭtobusny zavod, jaki pavinien byŭ pačać pracu ŭ kancy 2024 hoda.
Biełaruskija aŭtobusy rehularna harać u Rasii. Raniej «Naša Niva» pisała pra pryčyny hetaha.
Čamu ŭ Pieciarburhu masava harać novyja aŭtobusy MAZ? Nastupstvy sankcyj