Łukašenka zajaviŭ, što Polšča admoviłasia navat vieści razmovy pra Andžeja Pačobuta
Polski bok admoviŭsia navat vieści pieramovy ab vydačy asudžanaha na vosiem hadoŭ žurnalista i Andžeja Pačobuta. Pra heta zajaviŭ Alaksandr Łukašenka padčas naviedvańnia Minskaha haradskoha technaparka.
16.01.2025 / 12:13
Andžej Pačobut. Fota: sb.by
«Što datyčycca Pačobuta, tut navat niama pra što razmaŭlać. Jany [Polšča] admovilisia ad Pačobuta. Polski bok admoviŭsia navat vieści razmovy pra Pačobuta. Nakolki mnie paviedamlajuć, sam Pačobut taksama nie žadaje tudy jechać», — skazaŭ Alaksandr Łukašenka.
Andžeja Pačobuta zatrymali 25 sakavika 2021 hoda, 8 lutaha 2023 hoda jamu prysudzili 8 hadoŭ pazbaŭleńnia voli. Termin jon adbyvaje ŭ navapołackaj kałonii № 1, dzie na jaho ŭvieś čas akazvajecca cisk. Infarmacyi pra jaho vielmi mała, ale było viadoma, što apošnim časam jon utrymlivaŭsia ŭ PKT.
Čałaviek hoda pa viersii «Našaj Nivy» — Andrej Pačobut. Simvał adzinstva, macniejšaha za łukašyzm
Polšča nie razhladaje adkryćcia punktaŭ propusku na miažy ź Biełaruśsiu