Nacbank dazvoliŭ Alfa Banku pracavać z bankaŭskimi jačejkami
Nacbank pašyryŭ licenzijnyja paŭnamoctvy biełaruskaha Alfa Banka. Ciapier jon zmoža pradastaŭlać klijentam śpiecyjalnyja pamiaškańni abo siejfy ŭ ich dla zachoŭvańnia kaštoŭnaściaŭ. Pra heta paviedamlaje pres-słužba rehulatara.
16.01.2025 / 14:14
Havorka idzie pra dakumienty, hrošy, kaštoŭnyja papiery, kaštoŭnyja mietały i h. d.
Da hetaha času bankaŭskuju jačejku možna było arandavać u Biełhazprambanku, Śbierbanku, Pryjorbanku, BSB Banku, Biełarusbanku, Biełahraprambanku, Banku VTB (Biełaruś), banku BiełVEB, RRB-Banku i Bielinviestbanku.
Pry hetym košt arendy ŭ ich zaležyć ad pamieru jačejki i terminaŭ zachoŭvańnia. Naprykład, arenda bankaŭskaj jačejki ŭ Biełarusbanku na termin ad 1 da 33 dzion uklučna budzie kaštavać 30 rubloŭ, a na pieryjad zachoŭvańnia ad 34 da 180 dzion — 90 kapiejek za adzin dzień. A pa ŭmovach Śbier Banka — 1,2 rubla ŭ dzień pry arendzie terminam da 6 miesiacaŭ.