Łukašenka: U adnosinach Biełarusi i Rasii niama nieadolnych barjeraŭ i roznahałośsiaŭ
Pra heta zajaviŭ siońnia kiraŭnik dziaržavy na sustrečy ź pieršym namieśnikam premjer‑ministra Rasii Iharam Šuvałavym.
02.04.2010 / 16:31
Pra heta zajaviŭ siońnia kiraŭnik dziaržavy na sustrečy ź pieršym namieśnikam premjer‑ministra Rasii Iharam Šuvałavym.
«U nas niama nijakaj kanfrantacyi, — padkreśliŭ kiraŭnik dziaržavy. — My adzin narod, a ŭ adnaho naroda nie moža być nieadolnych roznahałośsiaŭ». Jon taksama dadaŭ, što ŭ dźviuch krain niama nijakich prablem u palitycy, dypłamatyi, pakolki Biełaruś i Rasija na mižnarodnaj arenie vystupajuć razam, jak adzinaje cełaje.
«Dumaju, heta nieraźbiarycha pa asobnych pytańniach źniknie, ale chaciełasia b paskoryć praces», — skazaŭ Alaksandr Łukašenka.
Jon padkreśliŭ, jakija b insinuacyi nie razhortvalisia vakoł prablem, što isnujuć i isnavali zaŭsiody, navat u saviecki čas, u nas chopić rašučaści, kab realizavać zadačy, jakija stajać pierad nami». «Ja apošnim časam usio bolš i bolš naziraju za situacyjaj u ŚMI, našych, rasijskich.
Niadaŭna ŭźniaŭsia hvałt vakoł sajtaŭ niekatorych apazicyjnych haziet, žurnalistaŭ. U bližejšy čas paśla ekśpiertyzy my vas ź imi aznajomim, bo centry hetych apazicyjnych kłanaŭ znachodziacca ŭ Rasii.
I ad taho, što my pakažam vam i Zachadu, abaviazkova, vy možacie naohuł «vypaści ŭ asadak», nakolki škurnuju pazicyju mohuć zajmać asobnyja dziejačy. Fakt adzin — chto im hrošy płacić, na taho jany i pracujuć», — skazaŭ kiraŭnik dziaržavy.
Alaksandr Łukašenka dadaŭ, što ciapier usio bolš pačynaje vieryć u isnavańnie niejkaj piataj kałony, jakaja choča sutyknuć i razburyć lubyja dvuchbakovyja pačynańni. «Siońnia luby krok u patrebnym napramku pačynaje tarpiedavacca. Ale ja zychodžu z taho, što nieadolnych momantaŭ, barjeraŭ u našych adnosinach niama», — padkreśliŭ jon.
Kiraŭnik dziaržavy zaprasiŭ Ihara Šuvałava da adkrytaj razmovy: «Kali ŭ vas jość pretenzii, to vy adkryta mnie vykažycie ich. Chaciełasia b peŭna i dakładna viedać, kab vy skazali: «Voś tut vy niapravilna dziejničajecie, voś heta nam nie padabajecca, a tut chacieli b atrymać ad vas adkazy na niekatoryja pytańni». «Ale kali nie vyrašyć prablemy, to treba niejak zblizić pazicyi, kab my viedali, jak dziejničać zaŭtra, kab našy dziejańni nie ŭsprymalisia ŭ štyki i
nie kazali, što my adviarnulisia ad Rasii», — skazaŭ biełaruski lider.
Prezident adznačyŭ, što Biełaruś ciapier sprabuje dyviersifikavać svoj ekspart, ale pry hetym asnoŭnym ekanamičnym partnioram pa‑raniejšamu zastajecca Rasija.
«Navat kali Rasija budzie vyšturchoŭvać nas sa svajho rynku, my ŭsio roŭna budziem zmahacca za jaho.
Navošta nam štučna paharšać situacyju? U toj ža čas my budziem šukać inšyja rynki zbytu pradukcyi», — skazaŭ Alaksandr Łukašenka.