Harvykankam nie daŭ sankcyi na boj paduškami

Moładź usio adno ad śviatkavańnia 600-hodździe Hrunvalda kala Nacyjanałki admaŭlacca nie źbirajecca.

13.07.2010 / 11:44

Moładź usio adno ad śviatkavańnia 600-hodździe Hrunvalda kala Nacyjanałki admaŭlacca nie źbirajecca.

Minharvykankam admoviŭ zarehistravanaj MHA «Historyka» ŭ praviadzieńni mierapryjemstva, prymierkavanaha da 600-hodździa vialikaj pieramohi ŭ Hrunvaldskaj bitvie.

Varta źviarnuć uvahu, što pieršapačatkova entuzijazm arhanizataraŭ padušačnych batalij raździalili va Upraŭleńni kultury pry Minharvykankamie i navat u Ministerstvie kultury.

Namieśnik ministra kultury Tadevuš Stružecki ŭ rekamiendacyjnym liście padtrymaŭ hramadskuju inicyjatyvu, vyznačyŭ jaje jak «niezvyčajnaje mierapryjemstva z elemientami bajoŭ z paduškami». Adnak, adkaznaja instancyja ŭ asobie pilnaha namieśnika staršyni Minharvykankama M. Ciciankova nie pranikłasia zachapleńniem čynoŭnikaŭ «kulturnaha» ministerstva.

Ad staličnych uładaŭ pryjšoŭ steryatypny adkaz: «V śviazi s tiem, čto zajavlenije MOO «Historyka» o proviedienii massovoho mieroprijatija nie sootvietstvujet triebovanijam časti 5 st. 5 Zakona «O massovych mieroprijatijach», Minhorispołkom nie razriešajet proviedienije mieroprijatija v płoŝadkie riadom so zdanijem Nacionalnoj bibliotieki».

«Mnie nie zrazumieły iracyjanalny strach uładaŭ. Asabista ja budu 15 lipienia na zapłanavanym miescy praviadzieńnia Boja paduškami. Zdarovy sens voźmie vierch i śviata pazityva projdzie bieź pieraškodaŭ», — zajaviŭ adzin ź inicyjataraŭ pieršych «bajoŭ» Andrej Kim.

Nahadajem, pieršaja akcyja «Boj paduškami», prymierkavanaja 599-hodździa Hrunvaldskaj bitvy, prajšła ŭ Minsku biez dazvołu ŭładaŭ 15 lipienia 2009 hodu. Praz 2 miesiacy, 8 vieraśnia 2009 hodu, u honar 495-hodździa Aršanskaj bitvy adbyłasia druhaja ŭ historyi biełaruskaha padušačnaha ruchu sankcyjanavanaja akcyja. U druhoj bitvie paŭdzielničała 400 čałaviek.

Boj paduškami byŭ zapłanavany na 15 lipienia, 19:00. Udzielnikaŭ zaprašali prychodzić sa svaimi paduškami.

NŠ