Viarnicie pieravod hadzińnikaŭ!

Naranicu niadzieli mnie daviałosia ŭručnuju pieravodzić hadzińniki na dvuch mabilnikach i adnym kamputary — technika była nie ŭ kursie losavyznačalnaha rašeńnia uładaŭ pra kasavańnie pierachoda na zimovy čas.

31.10.2011 / 12:32

Nie mahu kazać za ŭsich, ale za siabie skažu: pieravod hadzińnikaŭ kožnyja viasnu i vosień tudy-siudy nivodnaha razu ŭ žyćci nie stvaryŭ dla mianie absalutna nijakich niezručnaściaŭ. Padumaješ, na hadzinu mieniej (ci pahatoŭ bolej) paspać u vychodnyje — usio roŭna adnaho-dvuch dzion ź liškam chapaje, kab pierastroicca. Navat cikava było, što niejkaja raznastajnaść i pazityŭ ad taho, što adnojčy raptam pačynaje na hadzinu raniej śviatleć.

Adziny ŭciamny arhumient na karyść kasavańnia pierachodu, jaki mnie davoziłasia čuć, heta śćvierdžańnie, što niby tam niejkim karovam vielmi baluča pieranaładžvacca, u suviazi z hrafikam dajeńnia i hetak dalej. Ale, mahčyma, lepiej intaresy ludziej stavić vyšioj za intaresy karovaŭ? I moža chaj dla karovaŭ hadzińniki ŭ paradku vyklučeńnia nie pieravodziacca?

A intaresy ludziej u tym, kab u ich była sinchronnaść ź inšymi ludźmi.

Samy istotny (i sapraŭdy surjozny) niedachop novaj sistemy, dzie niama pierachodu na letni čas, palahaje ŭ tym, što ciapier pa paŭhady my budziem mieć roznaje razychodzańnie ŭ časie ź inšymi krainami Jeŭropy,

u tym liku z Ukrainaju. Sprava nie ŭ tym, adna ci dźvie hadziny roźnica ŭ časie pamiž Mienskam i Varšavaju —

sprava ŭ tym, što paŭhady hetaja roźnica budzie adnu hadzinu, a paŭhady — dźvie.

Dla tych, chto maje pastajannyja spravy ź ES ci Ŭkrainaj heta sapraŭdy stvoryć niezručnaści i błytaninu.

Moža Pucin, kali stanie prezidentam, skasuje heta? Voś było b choć adnoj dobraj spravaj bolej. A za im i łukašenkaŭski aficyjoz, jaki zvyksia ślepa małpavać biez razboru ŭsio z uschodu, padciahniecca.

Aleś Čajčyc