У Вільні прайшла прэзентацыя рамана Уладзіміра Някляева. Дзясятая ў польска-літоўскім турнэ пісьменніка ФОТЫ
Дзясятая па ліку і заключная прэзентацыя праходзіла з аншлагам. Зала Віленскага беларускага музея імя Івана Луцкевіча 4 снежня была запоўненая пад завязку прыхільнікамі творчасці выбітнага літаратара, паведамляе «Новы час».
Перад гэтым, у пятніцу, кніга «Гэй Бэн Гіном» («Геена вогненная») была прэзентаваная ў Доме літоўскіх пісьменнікаў у Вільні.
Чытайце таксама:
Някляеў распачаў серыю прэзентацый свайго новага рамана ў Польшчы
Гучалі песні «Як ты адзін», «Скончылася лета», «Дарога», «Красуня Вясна».
«Мы наведалі найбольшыя асяродкі беларускай эміграцыі ў Польшчы, а таксама месцы пражывання беларускай нацыянальнай меншасці. Былі ў Кракаве, Уроцлаве, Познані, Гданьску, Варшаве, Лодзі, Беластоку, Бялай Падлясцы. Апошнія дзве прэзентацыі мы зладзілі ў Вільні ў Доме літаратара, а таксама ў доме Івана Луцкевіча. На ўсіх прэзентацыях была вялікая зацікаўленасць як самой кнігай, так і яе аўтарам, ці не найбольш вядомым беларускім літаратарам», — адзначае прадстаўнік фонда Kamunikat.org Яраслаў Іванюк.
Бондарава абрынулася на музей Янкі Купалы і мастака Сушу23
Каментары