70-hadovy Hieroj Biełarusi padabraŭsia da viaršyni svajho žyćcia. Z pasady vice-premjera, adkaznaha za skaračeńnie dziaržaŭnych vydatkaŭ u hod pikavych vypłat pa raniejšych kredytach, uharu ŭžo nie skoknieš.Cisnuć na plečy budzie i status «baćki devalvacyi», choć spuskać usich sabak na adnaho tolki Prakapoviča było b niespraviadliva.
Umieły brescki budaŭnik trymajecca niepadaloku ad styrna krainy doŭhija 17 hadoŭ i hatovy pracavać jašče, niahledziačy na składanuju apieracyju na sercy. Prakapovič paśpieŭ dapamahčy nacbankaŭskimi hrašyma Tamašoŭcy, dzie prajšło jaho dziacinstva, achapić tryvałymi namienkłaturnymi suviaziami ŭsiu Brestčynu dy navat nieznarok upisać svajo proźvišča ŭ historyju biełaruskaha internetu.
***
Cytata:
«Pakul ja staršynia Nacbanka, devalvacyi, bolšaj za 5%, nie budzie».
Pierad devalvacyjaj u 3 razy ŭ 2011.
***
Abjektyŭka
Nar. u 1942 u vioscy Kazły Pružanskaha rajona. Zakončyŭ Dnieprapiatroŭski inžynierna¬budaŭničy instytut (1966). Pracavaŭ na calinie. U 1976—1996 — hałoŭny inžynier, a paśla hiendyrektar «Brestabłsielbuda». Deputat Viarchoŭnaha Savieta (1990—1995). U 1996—1998 — pieršy vice-premjer, namieśnik kiraŭnika Administracyi prezidenta, u 1998—2011 — kiraŭnik Nacbanka, u 2012—2013 — pamočnik Alaksandra Łukašenki. Ad 2013 — vice-premjer.
***
Piać faktaŭ pra Piatra Prakapoviča
Bondarava abrynułasia na muziej Janki Kupały i mastaka Sušu23
Kamientary