17(46). Alaksandr Radźkoŭ
Pamočnik prezidenta.
Farmalna Radźkova panizili, kali pieraviali ź pieršaha namieśnika kiraŭnika Administracyi prezidenta ŭ ranh pamočnika. Ale faktyčna Radźkoŭ atrymaŭ
nieabmiežavany dostup da kiraŭnika krainy. Ciapier mienavita ŭ abaviazki Radźkova ŭvachodzić aznajamleńnie Łukašenki sa śviežymi navinami, padrychtoŭka sustreč i telefonnych razmovaŭ, navat adčynić dźviercy aŭtamabila padčas pajezdki za miažu ci ŭ rehijony.
Radźkoŭ — čałaviek nadziejny. Tamu jaho i nie bajacca stavić kiraŭnikom «Biełaj Rusi». Jak ministr i ideołah, Radźkoŭ zapomniŭsia tym, što pry im začynili Kołasaŭski licej, pieraviali vykładańnie historyi na ruskuju movu. A taksama za
podpisam hetaha čałavieka išli farmulary ab «niedapuščeńni prymusovaj biełarusizacyi ŭ Bresckaj vobłaści».
Cytata
«Kali niama kansalidacyi, niama adzinaha nacyjanalnaha lidara, to, jak pakazvaje situacyja ŭ susiedniaj krainie, moža być vajna».
Źjezd «Biełaj Rusi», listapad 2014.
Abjektyŭka
Nar. u 1951 u vioscy Votnia (Bychaŭski rajon). Doktar piedahahičnych navuk. Rektar Mahiloŭskaha dziaržaŭnaha ŭniviersiteta (2001—2003). Ministr adukacyi (2003—2010), ad 2010 — pieršy namieśnik kiraŭnika Administracyi prezidenta. Ad 2014 — pamočnik prezidenta. Uznačalvaje «Biełuju Ruś». Byŭ kiraŭnikom inicyjatyŭnaj hrupy Łukašenki na prezidenckich vybarach—2010.
* * *
Bondarava abrynułasia na muziej Janki Kupały i mastaka Sušu14
Kamientary