Babrujskaja eskortnica z rasśledavańnia Navalnaha: «Ja była ŭ apazicyi na Chartyi i nas zabrali ŭ KDB na dopyt»
Uradženka Babrujska Naścia Rybka (sapraŭdnaje imia — Anastasija Vašukievič), hierainia novaha rasśledavańnia kamandy Alaksieja Navalnaha, napisała knihu «Dziońnik pa spakušeńni miljardera, abo kłon dla aliharcha».
Akramia raznastajnych apisańniaŭ seksu znajšoŭsia ŭ ramanie i momant, pryśviečany Biełarusi. U epizodzie Rybka raskazvaje pra svaju apazicyjnuju dziejnaść.
«— Ty ŭ Minsk potym paśla pajezdki? Kudy ty laciš? I čym uvohule zaraz zajmaješsia?
— Nie, u Maskvu, da vieraśnia ja absalutna volnaja. A ŭ Biełaruś ja bolš ni nahoj. Durnaja kraina! Pry maim apošnim naviedvańni mianie sutki ŭ kamiery trymali.
Jon paviarnuŭsia da mianie:
— Nie zrazumieŭ?
— Ja była ŭ apazycyi na Chartyi, — kažu ja, — i nas zabrali ŭ KDB na dopyt, prasili zdavać zmoŭščykaŭ, ja naohuł nie razumieła, čaho ad mianie chočuć, patrabavała advakata, i praz sutki mianie adpuścili. I niejak naohuł niama ciapier žadańnia viartacca».
Praŭda, padrabiaznaściej aŭtarka nie raspaviadaje.
Darečy, knihu Rybki možna svabodna nabyć u adnoj z bujnych biełaruskich internet-kramaŭ.
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku29
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary