U 12 hadoŭ Kryšcijanu vyhladaŭ nie vielmi. «Ja byŭ maleńkim, kvołym i mažnym», — raspaviadaje partuhalec. I heta praŭda: kruhły tvar, bieskantrolnyja kučary, niaroŭnyja zuby. Praz try hady da ich dadalisia trapičnaj huščyni brovy i padletkavyja vuhry. Da hałoŭnaha seks-simvała sučasnaha futboła chłopiec nie daciahvaŭ.
Jaho heta nie zadavalniała. Pierajechaŭšy ŭ Mančester, jon zaniaŭsia nie tolki hulniavymi skiłami, ale i źniešnaściu. Pra ŭsie etapy pieratvareńnia piša sports.ru.
Skivica: prablemy z prykusam, žoŭty koler emali, niaroŭnaja linija dziosnaŭ, adsutnaść zuba
Jaho skivica była padobnaja na niavažna pastaŭleny płot. Pryrodžany maksimalizm padkazvaŭ Kryšcijanu: treba niešta rabić. Hulajučy za «Sportynh», jon pastaviŭ kieramičnyja brekiety, kab vyraŭniać zuby i skarektavać prykus. Kryšcijanu nie vypadkova abraŭ kieramiku: hety materyjał adaptujecca pad koler emali i praktyčna nieprykmietny.
Prablemu adbielvańnia Ronałdu vyrašyŭ z dapamohaj estetyčnaj restaŭracyi zuboŭ kieramičnymi vinirami. Pra heta pisaŭ The Sun, ale infarmacyju paćviardžali i śpiecyjalisty hałoŭnych anhielskich klinik. Na zuby futbalistu nanieśli ultratonkija nakładki, vyrablenyja z dyjaksidu cyrkoniju — samy darahi i efiektyŭny sposab restaŭracyi zubnoj emali. Termin ich słužby dasiahaje 35 hadoŭ, a košt azdableńnia kožnaha zuba — 800 funtaŭ (bolš za 1000 dalaraŭ). Viniry zhładžvajuć naturalnyja niaroŭnaści, bałansujuć daŭžyniu i formu, pieratvarajuć žaŭtlavuju emal u biełaśniežnuju. Vyhladaje całkam naturalna.
Restaŭracyja skivicy skončyłasia apieracyjaj na dziosnach. Daktary padkarektavali niaroŭnuju liniju, prypadniaŭšy jaje ŭvierch. Heta dazvoliła pavialičyć vizualnuju vyšyniu zuboŭ. Brytanski ekśpiert pa płastyčnych apieracyjach Aleks Karydzis ličyć, što padobny kompleks abyšoŭsia Kryšcijanu Ranałdu prykładna ŭ 20 tysiač funtaŭ sterlinhaŭ (28 tysiač dalaraŭ).
Skura tvaru: vuhry i marščyny
Skura maładoha futbalista kožny dzień pakryvałasia novymi punsovymi plamami. Pa rekamiendacyjach lekara-dermatołaha Ronałdu pravioŭ kompleks azdaraŭleńnia skury tvaru, rehularna robić maski i nie saromiejecca paścić heta ŭ instahram.
Na dumku Aleksa Karydzisa, Ranałdu robić ukoły i ŭ vobłaść brovaŭ — u hod vychodzić niešta nakštałt tysiačy funtaŭ. Heta dazvalaje vypravić pryrodžanyja nizkija brovy i zrabić pohlad bolš adkrytym.
Skuły: niedastatkovaja vypukłaść
U partuhalca ź dziacinstva kruhlavaja forma tvaru i nie zanadta vyjaŭlenyja kostki tvaru. Z-za hetaha tvar junaha Ranałdu vyhladaŭ dosyć poŭna. Pryroda nie nadzialiła Kryšcijanu asablivymi skułami, tamu jon pajšoŭ na ekśpierymienty.
Ranałdu vykarystoŭvaje filery — preparaty, jakija ŭvodziacca z dapamohaj injekcyj dla karekcyi prablemnych zon: tonkich vusnaŭ, nizkich skuł i marščyn. Jany i stvarajuć efiekt abjomnych skuł za košt hijałuronavaj kisłaty — asnoŭnaha kampanienta preparatu. Efiekt paśla praviadzieńnia injekcyj niepraciahły — usiaho kala hoda. Pavodle acenak Aleksa Karydzisa, košt padobnaj pracedury składaje 1,5 tysiačy funtaŭ u hod (2000 dalaraŭ).
Nos: šyrokaje pieranośsie
U śniežni 2015 hoda viadomy płastyčny chirurh Sidnej Achana zajaviŭ, što Kryšcijanu źmianiŭ nos.
«Ranałdu dakładna zrabiŭ rynapłastyku. Jaho nos nabyŭ praktyčna idealnuju formu. Apieracyja zroblena jakasna», — raspaviadaje Achana. Padobnaja apieracyja mahła kaštavać Ronałdu kala 5 tysiač funtaŭ.
Vałasy: źjaŭlajucca załysiny
Śpiecyjalisty z Belgravia Center (samaja statusnaja klinika pa transpłantacyi vałasoŭ u Anhlii) zaviali błoh, u jakim viaduć nazirańnie za vałasami znakamitaściaŭ (heta vyhladaje jak pijar-akcyja). Jany jašče ŭ 2004-m zakłapacilisia Kryšcijanu Ranałdu, bo partuhalec achvotna ekśpierymientavaŭ z pryčoskami, nalivajučy tony roznych łakaŭ, hielaŭ i vosku na svaje vałasy.
«My ŭpeŭnienyja, što zorka zachoča złavić momant pačatku vypadzieńnia vałasoŭ i pryniać miery», — napisana ŭ błohu Belgravia Center.
U 2012-m Ranałdu vyjšaŭ na pieršy tajm vyrašalnaha matča hrupavoha etapu Jeŭra suprać Niderłandaŭ z adnoj pryčoskaj, a paśla pierapynku źmianiŭ jaje. Błoh Belgravia adreahavaŭ imhnienna: Ranałdu nie zadavoliła pryčoska, pakolki vałasy nie vyhladali dosyć hustymi.
Padazreńni śpiecyjalistaŭ paćvierdzilisia, kali ŭ 2013-m Kryšcijanu zaŭvažyli na adnym sa śvieckich mierapryjemstvaŭ u Manaka. Linija vałasoŭ partuhalca pajšła ŭvierch, vyjaviŭšy załysiny. Akramia hetaha, źniziłasia i huščynia vałasianoha pokryva hałavy.
Tady Ranałdu źviarnuŭsia ŭ kliniku, jakaja śpiecyjalizujecca na pierasadcy vałasoŭ. Infarmacyja pra miesca praviadzieńnia transpłantacyi zasakrečanaja, ale siońnia jaho vałasy znoŭ vyhladajuć idealna, źnikli i namioki na załysiny. Pradstaŭniki Belgravia Center paviedamlajuć, što padobnaja apieracyja kaštuje ŭ rajonie 10 tysiač funtaŭ sterlinhaŭ (14 tysiač dalaraŭ).
Zdajuć u arendu katedž zahinułaha chakieista Cypłakova ŭ Drazdach. Voś interjery FOTY14
Kamientary