«Naša Niva» paviedamlała pra toje, što Anatol Jarmolenka zaśpiavaŭ himn «Sajuznaj dziaržavy».
Čytajcie: «Sajuz vialiki i svabodny šanujem vielmi znoŭ i znoŭ». Anatol Jarmolenka zaśpiavaŭ himn Sajuznaj dziaržavy AŬDYJA
Hety himn sabraŭ mnostva admoŭnych vodhukaŭ ad internaŭtaŭ na fonie taho, što z Rasii hučać prapanovy dla Biełarusi admovicca ad niezaležnaści.
«Naša Niva» spytałasia ŭ Jarmolenki, čamu jon vyrašyŭ śpieć hety himn.
«Mnie prapanavaŭ heta muzykant arkiestra z Maskvy, jakoha ja dobra viedaju. Ja skazaŭ, što pasprabuju. Ale mnie prapanavali ŭ ruskaj viersii. Maja ž inicyjatyva była ŭ tym, kab tekst byŭ abaviazkova i pa-biełarusku. Ivan Jurkin napisaŭ biełaruski tekst. Ja nie baču ŭ himnie hetym ničoha drennaha. Heta siabroŭstva našych krain, kali chto šukaje niejkija tam padvodnyja kamiani… to heta ich sprava. Jość himn Biełarusi, jość Rasii. Kali jość Cajuznaja dziaržava, to i ŭ jaje himn…», — skazaŭ Jarmolenka.
My taksama ŭdakładnili ŭ spadara Jarmolenki, ci padtrymlivaje jon prapanovy Rasii abjadnacca ŭ farmacie hetaj «Cajuznaj dziaržavy».
«Heta inšaja razmova, što jany prapanujuć… Usio žyćcio tak! U nas jość kamu prymać rašeńni, kamu dumać, u nas jość kiraŭnik dziaržavy», — abrezaŭ Jarmolenka.
Siastra Kaleśnikavaj prapanavała ŭ Bruseli try kroki, jakija treba zrabić dla vyzvaleńnia palitviaźniaŭ27
Kamientary