«Rakaŭski fest», «Tbilisoba», lekcyja pra ličbavyja pravy čałavieka… Niekalki varyjantaŭ, čym zaniacca na vychadnych

Voś našy prapanovy:

1. Pajechać na «Rakaŭski fest»

25 žniŭnia ŭ Rakavie ŭ čaćviorty raz projdzie fiestyval «Rakaŭski fest». Rakaŭ — polikulturnaje miastečka. Zdaŭna tut ciesna pieraplecieny kultury roznych narodaŭ, jakija na praciahu mnohich stahodździaŭ mirna i plonna razam pracavali i adpačyvali. Asablivaha roskvitu Rakaŭ dasiahnuŭ u 30-ja hady minułaha stahodździa, kali apynuŭsia na pamiežžy Polščy z SSSR, i navat atrymaŭ nieaficyjny status «stalicy kantrabandystaŭ».

U prahramie čakajecca:

- vystupleńni 30 kalektyvaŭ i artystaŭ z Polščy, Litvy, Aŭstryi i Biełarusi;

- prezientacyja biełaruskaj, polskaj, habrejskaj i litoŭskaj kultur;

- vystavy;

- «Kulinarny batł»;

- kvest «Ściežkami kantrabandystaŭ»;

- biaspłatnyja ekskursii pa Rakavie i šmat-šmat inšaha.

Padrabiaźniej možna pahladzieć na našaj Afišy.

Dzie: Rakaŭ (Vałožynski rajon, Minskaja vobłaść)

Kali: 25 žniŭnia (niadziela), 12:00 — 22:00

Uvachod: volny

2. Adčuć hruzinska-biełaruski charaktar na «Tbilisobie»

24 žniŭnia ŭ Minsku projdzie «Tbilisoba» — dzień nacyjanalnaj kultury Hruzii. Ale admietnaściu hetaha hoda stanie toje, što fest abjadnaje dźvie kultury i projdzie pad słohanam «Śviata z hruzinska-biełaruskim charaktaram».

Pavialičyć

Fiestyval praviaduć u Vierchnim horadzie, zavieršyć jaho adkryty kancert hurta Mgzavrebi. Pa tradycyi, hruzinskija pieśni buduć hučać sa sceny ŭ histaryčnym centry Minska z paŭdnia i da paŭnočy. Kab pryvieźci ŭsich muzykaŭ, jakija vystupiać na scenie ŭ hety dzień, zamiest zvyčajnaha rejsavaha «Embraera» ŭ Biełaruś z Hruzii ŭ hety dzień prylacić bolš jomisty «Boinh».

Na feście vas čakaje supier nasyčanaja prahrama, paznajomicca ź jakoj vy možacie tut.

Dzie: Vierchni horad, Minsk

Kali: 24 žniŭnia (subota), 13:00

Uvachod: volny

3. Pahladzieć «Angry Birds 2 v kino»

Dzikija vojny dvuch nieprymirymych supiernikaŭ z multfilma «Angry Birds 2 u kino» praciahvalisia da peŭnaha momantu. Rodnyja vyspy, na jakich u ščaści žyli ptuški i śvinki, apynulisia ŭ pole zroku niebiaśpiečnaj i žorstkaj mścivicy Zety. Jana žyła na terytoryi, što była ŭścielena lodam i śnieham, mierzła i haładała, pakul jaje surodzičy atrymlivali asałodu ad jarkaha i haračaha soniejka, plaža i mora. A jašče jany pastajanna vajavali pa drobiaziach. Pryjšoŭ čas ich pravučyć.

Pavialičyć

Ciapier ptuški i śvinki vymušanyja abjadnacca, kab spynić Zetu i vyratavać svaich siabroŭ i blizkich. Rychtujecca advažnaja kamanda śmielčakoŭ, raznašersnaja i nie zanadta prafiesijnaja.

Praciahłaść: 99 chvilin

Kraina: Finlandyja, ZŠA

Dzie: Art-kinateatry (u HC «Jeŭropa» i «Tytan»)

Kali:

Košt: 5.50 — 10.00 BYN

Kvitki na Afisha.nn.by

4. Naviedać lekcyju «Okiej, Google, što takoje ličbavyja pravy čałavieka?»

U miežach mientarskaj prahramy Human Lab Łabaratoryja Ličbavych Svabod praviadzie sieminar pa ličbavych pravach čałavieka.

Što buduć abmiarkoŭvać?

• Svabodu infarmacyi online,
• Navošta patrebna pryvatnaść i abarona piersanalnych dadzienych?
• Chto i jak kiruje internetam?
• Što takoje elektronny ŭrad i elektronny ŭdzieł?
• Dzie va ŭsim hetym miesca pravam čałavieka i jak ich abaranić? Čałavieka?

Uvachod volny, ale treba zarehistravacca.

Free donation vitajucca.

Dzie: Kult. Centr «Korpus» (Minsk, pr-t Mašerava, 9/8), prastora «Druhi pavierch»

Kali: 24 žniŭnia (subota), 15:00

Uvachod: volny

5. Schadzić na viečarynku Collaboracia Red i dapamahčy dryhvie Jelnia

24 žniŭnia ŭ kłubie Hide projdzie viečaryna Collaboracia Red.

Red — koler asablivaj uvahi da dryhvy Jelnia — pryrodnaha abjekta, jakomu ŭžo bolš za 9 tys. hadoŭ. Zachapi z saboj siabroŭ i prosta tusujsia, a zaadno dapamahaj ekałohii na viečarynie, arhanizavanaj u padtrymku dryhvy Jelnia!

Pavialičyć

Što cikavaha ciabie čakaje na Collaboracia Red?

• Muzykant MODD — chedłajnier viečaryny, udzielnik viadomych va ŭsim śviecie fiestyvalaŭ Tomorrowland i Coachella. Adrazu paśla debiutnaha tura pa Amierycy, MODD pryziamlicca ŭ Minsku, kab skaryć sercy najpryhažejšym Deep House hučańniem.
• Muzykant SOULTAPE — druhi chedłajnier viečaryny, udzielnik mahutnaha dueta Adjustment Bureau. Adzin z zasnavalnikaŭ kamjunici HAZE. Vydajecca ŭ farmacie Vinyl Only.
• Tematyčnyja maštabnyja vizualnyja instalacyi.

U čym dapamoha Jelni?

20% ad usich prodažaŭ na Collaboracia Red my nakirujem na zdymki filma ŭ padtrymku dryhvy Jelnia. Film buduć zdymać udzielniki KURS: RA (jany ž udzielniki Collaboracia) — prajekta-pieramožcy najbujniejšaha konkursu sacyjalnych prajektaŭ u Biełarusi Social Weekend'13.

Dress Code: RED (lubaja čyrvonaja detal užo zaličvajecca)

Rehistracyja na viečarynku tut.

Dzie: kłub Hide (Minsk, vuł. Kastryčnickaja, 19/4)

Kali: 24 žniŭnia (subota), 22:00 — 7:00

Uvachod: 20.00 — 30.00 BYN

• 0
• 0
• 0
• 0
• 0
• 0
• 0
• 0