3-6 kastryčnika Art Vandroŭnia zaprašaje Vas dałučycca da vandroŭki «Ivanie, ty žyvieš», pryśviečanaj 100-hodździu z dnia śmierci Ivana Łuckieviča, u znakamity polski horny kurort Zakapane i staražytnuju stalicu Rečy Paspalitaj Krakaŭ.
Mienavita ŭ Zakapane roŭna stahodździe tamu ad suchotaŭ pamior Ivan Łuckievič (1881—1919) - viadomy biełaruski hramadski dziejač, adzin z ajcoŭ-zasnavalnikaŭ Biełaruskaj narodnaj Respubliki.
Taksama sa znakamitym polskim kurortam źviazany losy inšych biełarusaŭ: paetki Ciotki (Ałaizy Paškievič), architektara Stanisłava Špakoŭskaha, kampazitara Miečysłava Karłoviča.
Naviedajem my vakolicy horada, dzie paznajomimsia ź cikavymi prykładami zakapanskaha styla, prahulajemsia pa znakamitaj vulicy Krupoŭka (Krupówka).
Paśla Zakapane my naviedajem słavuty pavodle Mickieviča «Słavianski Rym» — čaroŭny Krakaŭ. Horad da 1610 hod byŭ stalicaj Rečy Paspalitaj. U Krakavie ahlad staroha horada, karaleŭskaha zamka Vaviela, univiersiteta i znakamitych Rakavickich mohiłak.
Na zaviaršeńnie vandroŭki my naviedajem Lublin - pryhožy siaredniaviečny horad, dzie zachavałasia šmat pamiatak minuŭščyny, u tym liku Lublinski zamak, Krakaŭskaja brama (14—16 st.), manastyr daminikancaŭ (1630-50-ja hh.), unikalnaja haradskaja zabudova. Naviedajem Litoŭskuju płošču, dzie jość pomnik u honar Lublinskaj ŭnii, bo mienavita ŭ hetym hodzie adznačajecca 450 hod z dnia jaje zaklučeńnia.
Vandroŭku budzie vieści historyk, muziejščyk, ekskursavod Pavał Karaloŭ.
Dla ŭdziełu ŭ vandroŭcy nieabchodna zarehistravacca ŭ hetaj huhł-formie.
Košt vandroŭki z 3-ma načavańniami ŭ 3-ch zorkavych hatelach sa śniadankami: 150 jeŭra i 30 bieł. rub. Dadatkova apłačvajucca: abiedy, viačery, śniadanak u pieršy dzień, kvitki ŭ muziei.
Vizavaja padtrymka: samastojna praź vizavy centr (mahčyma, praz kansulat) pa hrupavym zaprašeńni z Polščy. Dla tych, chto nie maje vizy, rehistracyja da 30 žniŭnia!
Prykładnaja prahrama vandroŭki (moža niaznačna mianiacca):
2 kastryčnika (sierada).
19:00 Vyjezd ź Miensku da miažy.
00:00 — 03:30 Pierachod miažy.
3 kastryčnika (čaćvier). Pierajezd u Zakapane.
13:00 — Pryjezd u Zakapane.
13:30 — 16:00 Pryjezd u Zakapane. Zasialeńnie, adpačynak, abied (za dadatkovuju płatu).
16:30 — 19:00 Špacyr-ekskursija pa hałoŭnaj vulicy horada — nas čakaje znakamitaja Krupówka.
19:00 — 24:00 Volny čas.
4 kastryčnika (piatnica).
8:00 — 9:00 Śniadanak. Vysialeńnie z hatelu.
9:30 — 13:00 Eskursijnaja prahrama ŭ vakolicach Zakapane. Znajomstva z admietnym zakapanskim stylem. Naviedvańnie miascovych mohiłak, dzie byŭ pachavany Ivan Łuckievič.
Ahlad siadziby Jaščuruŭka (Jaszczurówka), naviedvańnie pryhožaha chrama ŭ vioscy Araŭka (Orawka).
13:00 — 15:00 Pierajezd u Krakaŭ.
15:00 — 16:30 Zasialeńnie ŭ hatel, abied (za dadatkovuju płatu).
17:00 — 19:00 Viečarovaja ekskursija pa centry Krakava.
19:00 — 24:00 Volny čas.
5 kastryčnika (subota).
8:00 — 9:00 Śniadanak.
9:30 — 13:00 Ekskursija na zamak Vaviel.
13:00 — 16:00 abied (za dadatkovuju płatu), volny čas, pa žadańni — ekskursija ŭ salanyja piačory ŭ Vialičcy (za dadatkovuju płatu pry najaŭnaści hrupy ŭ 20 čałaviek).
16:00 — 18:00 Naviedvańnie miascovych Rakavickich mohiłak: mahiły Alesia Haruna, Emieryka Čapskaha, Adama Kirkora i inšych.
18:00 — 20:00 Sustreča ź biełaruskaj supolnaściu Krakava.
20:00 — 24:00 — Volny čas.
6 kastryčnika (niadziela).
8:00 — 9:00 Śniadanak. Vysialeńnie z hatela.
9:00 — 13:00 Pierajezd da Lublina.
13:00 — 15:00 Naviedvańnie Lublina, ekskursija, pryśviečanaja 450-hodździu Lublinskaj unii.
15:00 — 17:00 Naviedvańnie vialikaj kramy dla zakupaŭ (abied za svoj košt).
17:00 — 19:00 Pierajezd da miažy.
19:00 — 22:30 Prachod miažy.
22:30 — 02:00 Viartańnie ŭ Minsk.
Usia papiaredniaja infarmacyja pa telefonach:
+375-44-5386283 i +375-25-5458430 (viber), a taksama praź je-majł [email protected]
Bondarava abrynułasia na muziej Janki Kupały i mastaka Sušu31
Kamientary