Brytanskija vajskoŭcy abvierhnuli zajavu Minabarony Rasii ab tym, što pa eśmincy HMS Defender u Čornym mory byŭ adkryty papieradžalny ahoń.
«Karabiel VMS Vialikabrytanii ździajśniaŭ mirny prachod praz terytaryjalnyja vody Ukrainy ŭ adpaviednaści ź mižnarodnym pravam», — havorycca ŭ paviedamleńni pres-słužby brytanskaha Minabarony.
U sieradu Minabarony Rasii paviedamiła, što brytanski eśminiec parušyŭ miažu ŭ rajonie mysa Fijalent u Krymie i nie reahavaŭ na papiaredžańni, tak što rasijski vartaŭničy karabiel byŭ vymušany adkryć papieradžalny ahoń.
Akramia taho, bambardziroŭščyk Su-24M skinuŭ pierad karablom-parušalnikam niekalki bombaŭ.
U brytanskim vajennym viedamstvie vykazali zdahadku, što rasijskija vajskoŭcy pravodzili vučebnyja strelby ŭ akvatoryi Čornaha mora, zapeŭniŭšy pry hetym, što ŭ bok eśminca Defender papieradžalnych strełaŭ nie rabiłasia.
«Papieradžalny streł pa HMS Defender nie rabiŭsia. U bok HMS Defender nie stralali, i my nie pryznajom śćviardžeńni ab tym, što na jaho šlachu skidalisia bomby», — havorycca ŭ paviedamleńni, apublikavanym na staroncy pres-słužby Minabarony Brytanii ŭ Twitter, piša RBK.
Mastaki Ščamialova i Rymašeŭski ŭ SIZA pa narodnym artykule
Kamientary