«Ja ź dziacinstva ŭ chareahrafii! Patrebnaje štości bolšaje, kab mianie złamać». Top-10 natchnialnych cytat ź listoŭ biełaruskich palitviaźniaŭ
Adkryty muziej listoŭ biełaruskich palitviaźniaŭ sabraŭ u siabie na staroncy ŭžo bolš za 200 viestačak z-za krataŭ. Abrali adtul adny z samych mocnych i natchnialnych vykazvańniaŭ.
Pavieł Sieviaryniec:
«Hospad pracuje z sercami — i abaviazkova abiernie zło na dabro. Tak było na kryžy, tak budzie i ŭ Biełarusi».
Maksim Znak:
«Ja voś dumaju, što kali takoje pačućcio ŭ nacyi źjaŭlajecca (zakachanaść), tady i adbyvajucca vialikija ździajśnieńni! Čamu ŭ historyi to adny zorki zapalvajucca, to inšyja? Usio dziakujučy kachańniu!»
Alaksandr Ivulin:
«Mahčyma, ja ŭsio jašče zanadta naiŭny, ale ja praciahvaju vieryć u dabro i śviatło. Rablu heta absalutna ščyra, bo kali pierastać rabić heta, to jaki sens u hetym usim žyć? Jak ni kruci, ale dabra ŭ śviecie ŭsio roŭna bolš. I śvietłaha taksama. I ja ciapier zusim nie pra piva:)».
Mija Mitkievič:
«Ja ź dziacinstva ŭ chareahrafii! Patrebnaje štości bolšaje, kab mianie złamać».
Ihar Bancar:
«Ja viedaju, što rana ci pozna pabaču svaich dziaciej. I hetaja dumka dapamahaje mnie zasynać z uśmieškaj na tvary štoviečar. Niavažna, ci naša sustreča adbudziecca praź miesiac, hod ci dziesiać hadoŭ… Hałoŭnaje, što naša sustreča adbudziecca! Kajfuju ad hetaj dumki».
Vitold Ašurak:
«Ja hanarusia tym, što naležu da naroda Biełarusi. Sapraŭdnyja hieroi hety vy, tyja, chto nie zdaŭsia, nie sasłabieŭ, chto baronić svajo prava na svabodnaje słova! Pamiatajcie: i adzin u poli voin, bo dvoje — heta ŭžo armija!»
Uładzimir Haroch:
«U ciemry možna zapalić śviečku, ale nielha ciemru źmiaścić u śviatło. Chaj u vašaj dušy zaŭsiody śviecić dobraje śviatło i nie budzie miesca ciemry».
Anastasija Mironcava:
«Paru dzion tamu nad nami pralataŭ busieł, kali stajali na praviercy! Jaki jon byŭ pryhožy! Jašče i łastaŭki, krumkačy lotajuć. Nieba zdajecca biaskoncym akijanam, a ptuški, što jaho raśsiakajuć, takimi maleńkimi! Heta tolki dadaje jamu vieličnaści».
Marfa Rabkova:
«Choć na našu ziamlu i spuściłasia smuta, ale ja ŭpeŭnienaja, što naš śvitanak budzie nie za harami. Nie my abirajem časy, a časy — nas. A nam zastajecca prajści hodna praz usie niahody i pieraškody. A hałoŭnaja meta — zastacca Čałaviekam».
Siarhiej Bazuk:
«Prabačcie, što nie adkazaŭ adrazu. Uvieś volny čas pisaŭ kursavuju pracu pa ekanomicy dla dački».
Nahadajem, muziej «Laciać listy» byŭ zapuščany vysiłkami roznych biełarusaŭ śvietu, jakija zachacieli sabrać i zachavać listy ad palitviaźniaŭ u adnym miescy jak histaryčnuju kaštoŭnaść. Naŭprost ciapier nad prajektam pracujuć 12 vałancioraŭ. Asnoŭnaja kamanda skłałasia, dziakujučy znajomstvu ŭ kamiery na Akreścina.
Pieradać list muzieju moža luby achvotny, treba tolki dasłać jaho na poštu prajekta ŭ vyhladzie fotazdymka ci skanu.
U płanach stvaralnikaŭ prajekta — i dalej raźvivać sajt. U chutkim časie na im źjavicca ahulny ličylnik kolkaści listoŭ, stužka abnaŭleńniaŭ i biełaruski interfiejs.
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku29
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary