Hramadstva

U Baranavičach ludziej masava vyklikajuć na dopyty z-za dyviersii na čyhuncy

Pravaabaroncam stała viadoma, što ŭ Baranavičach vyklikajuć na dopyty ludziej, jakija raniej pryciahvalisia pa «palityčnych» artykułach.

U ich sprabujuć daviedacca pra viečar 14 sakavika, bo ŭ toj dzień adbyłasia dyviersija na čyhuncy ŭ Baranavickim rajonie. U ludziej hladziać telefony, biaruć bijamateryjał.

Viadoma, što pravodziać dopyty supracoŭniki z Bresta.

Nahadajem, što za minuły miesiac było zatrymana kala 40 čałaviek pa padazreńni ŭ dyviersijach na čyhuncy. MUS apublikavała kadry zatrymańnia troch žycharoŭ Babrujska, jakija ŭčynili dyviersiju 28 sakavika ŭ Asipovickim rajonie, i mužčyny, datyčnaha da dyviersii ŭ Barysaŭskim rajonie.

Ceły šerah aktaŭ sabatažu na čyhuncy Biełarusi byŭ ździejśnieny na zaklik supolnaści «Bajpoł», jakaja jadnaje aficeraŭ — praciŭnikaŭ dyktatury, paśla taho, jak Rasija z terytoryi Biełarusi napała na Ukrainu. Pa čyhuncy pieravoziać rasijskuju vajskovuju techniku, a taksama bojeprypasy, jakija vykarystoŭvajucca dla abstrełaŭ ukrainskich haradoŭ i pazicyj ukrainskaj armii.

Na niekatorych pierahonach byli spalenyja relejnyja šafy, na inšych — zamknuli drotam rejki, tym samym vyvieli z ładu sihnalizacyju. Hetyja akcyi zapavolvajuć ruch ciahnikoŭ na niekatory čas, ale nie ŭpłyvajuć na jaho biaśpieku. Ale pad Stoŭbcami siamja vyciahnuła na rejki biarviony.

Biełaruskaj čyhunkaj viazuć ešałon rasijskaj braniatechniki. Rajon stancyi «Brest-Paŭdniovy»

Paśla hetaha stała viadoma pra aryšt u roznych rehijonach Biełarusi troch dziasiatkaŭ čyhunačnikaŭ, źviazanych z padpollem.

Akramia taho, Kamitet dziaržaŭnaj biaśpieki Biełarusi i HUBAZiK, struktura Ministerstva ŭnutranych spraŭ, jakaja vykonvaje funkcyi palityčnaj palicyi, za apošnija tydni aryštavała niekalki dziasiatkaŭ ludziej u Mazyry i rajonie, u Śvietłahorsku i rajonie, u Baranavičach, Stoŭbcach i ŭ Dziaržynsku. Metaj zatrymańniaŭ byŭ pošuk ludziej, jakija rychtavali akty sabatažu na čyhuncy abo pieradavali ŭ niezaležnyja ŚMI i telehram-kanały infarmacyju ab pieramiaščeńni rasijskich vojskaŭ ci puskach rakiet pa Ukrainie.

Stała taksama viadoma, što častku siłavikoŭ, jakija zajmalisia padaŭleńniem ruchu za hramadzianskija pravy, a taksama bajcoŭ unutranych vojskaŭ, pierakinuli na achovu čyhunki. 

Va Ukrainie viestki pra dyviersii na biełaruskaj čyhuncy hramadskaja dumka pryniała ź vialikaj udziačnaściu.

Rasija napała na Ukrainu 24 lutaha, u tym liku z terytoryi Biełarusi. Hetaje hrubaje parušeńnie mižnarodnaha prava było asudžanaje Hienieralnaj asamblejaj AAN 140 hałasami suprać piaci, siarod hetych piaci i Biełaruś.

U vyniku ahresii zahinuli ŭžo dziasiatki tysiač vajskoŭcaŭ z abodvuch bakoŭ, a taksama mirnych žycharoŭ. Na akupavanych terytoryjach adbyvajucca sapraŭdnyja źvierstvy, ich maštab staŭ viadomy paśla razhromu rasijskich vojskaŭ pad Kijevam.

Zhodna ź mižnarodnym pravam, Biełaruś ličycca saŭdzielnicaj ahresii, bo pradastaviła svaju terytoryju dla viadzieńnia vajny.

Čytajcie taksama:

Poŭnaja karta dyviersij na biełaruskaj čyhuncy

MUS: Na Biełčyhuncy ździejśniena bolš za 80 «teraktaŭ»

«Pa supracoŭnikach pracuje niepasredna KDB». Padrabiaznaści zatrymańniaŭ na čyhuncy

Kamientary

Papularny tyktokier z Rasii tusić u darahich restaranach Minska: «Byccam bamžu padali. Žarycie, na zdaroŭje»12

Papularny tyktokier z Rasii tusić u darahich restaranach Minska: «Byccam bamžu padali. Žarycie, na zdaroŭje»

Usie naviny →
Usie naviny

Zialenski pazbaviŭ zvańnia zasłužanaj artystki śpiavačku, ź jakoj śpiavaŭ Łukašenka10

Žonka Vieramiejčyka: Paśpieŭ napisać dačce adno słova — departacyja1

U Biełarusi zabaranili markiza de Sada i historyju Biełarusi19

Rasija z sakavika pastaviła Paŭnočnaj Karei miljon barelaŭ nafty — heta ŭ 10 razoŭ bolš, čym aficyjna letaś1

«Biełavija» pravodzić rasprodaž kvitkoŭ. Što možna ŭziać pa akcyi?

Łukašenka prapanavaŭ viarnuć Linhvistyčnamu ŭniviersitetu raniejšuju nazvu32

Pačaŭsia sud nad kiraŭnikom likvidavanaj partyi «Zialonyja» Dźmitryjem Kučukom

Departamient dziaržbiaśpieki Litvy: Znachodžańnie Vieramiejčyka na terytoryi krainy ŭjaŭlała pahrozu nacyjanalnaj biaśpiecy38

Hajdukievič śćviardžaje, što sabraŭ 100 tysiač podpisaŭ11

bolš čytanych navin
bolš łajkanych navin

Papularny tyktokier z Rasii tusić u darahich restaranach Minska: «Byccam bamžu padali. Žarycie, na zdaroŭje»12

Papularny tyktokier z Rasii tusić u darahich restaranach Minska: «Byccam bamžu padali. Žarycie, na zdaroŭje»

Hałoŭnaje
Usie naviny →