Połk «Azoŭ» hatovy pakinuć Maryupal — ale sa zbrojaj, paranienymi, ciełami zabitych i biez zdačy ŭ pałon
Pra heta zajaviŭ namieśnik kamandzira «Azova» Śviatasłaŭ Pałamar. Pa jahonych słovach, mirnyja žychary nie mohuć pakinuć terytoryju zavoda «Azoŭstal», dzie schavalisia apošnija ŭkrainskija vajskoŭcy, bo rasijskija vojski nie spyniajuć stralbu.
Pradstaŭniki Ukrainy David Arachamija i Michaił Padalak, pa słovach Pałamara, hatovyja pryjechać na pieramovy ŭ Maryupal z pradstaŭnikami Rasii Uładzimiram Miadzinskim i Leanidam Słuckim z nahody evakuacyi ŭkrainskaha vajskovaha harnizona, jaki jašče zastajecca ŭ horadzie.
Adnosna cyvilnych asobaŭ, jakija zastajucca na zavodzie «Azoŭstal», Pałamar skazaŭ nastupnaje:
«Iduć pastajannyja abstreły. Niahledziačy na zajavy vojskaŭ RF ab zachavańni režymu cišyni, vorah praciahvaje abstreły i biaśpiečna pakinuć terytoryju «Azoŭstali» ŭ našych cyvilnych niama mahčymaści. Zaklikaju da vykanańnia svaich harantyj.
Takim čynam i pry padtrymcy treciaha boku cyvilnyja ludzi vyjduć z zavoda. My ich nie trymajem. My prosim ich vypuścić».
Što viadoma pra biełarusa Viktara Paviełku, jakoha ŭ Polščy padazrajuć u arhanizacyi napadaŭ na rasijskich apazicyjanieraŭ6
Kamientary