Leta — najlepšy čas dla taho, kab bolš zajmacca sportam, u tym liku i pasprabavać jazdu na viełasipiedzie. Heta cudoŭnaja mahčymaść adkryć dla siabie novyja maršruty, a zaadno i palepšyć stan ułasnaha zdaroŭja. Voś piać padstaŭ, čamu varta pierasieści na rovar.
Pakłapacicca pra serca
Rehularnaja jazda na rovary — dobry sposab źnizić ryzyku chvarob, jakija raźvivajucca pry małaruchomym ładzie žyćcia. Pa svajoj pryrodzie jazda na rovary — heta aerobnaja treniroŭka, to-bok padčas jaje ŭmacoŭvajecca sardečna-sasudzistaja i dychalnaja sistemy arhanizma. Jość navat danyja, što rehularnaja jazda na rovary (30 kiłamietraŭ na tydzień) moža źnizić ryzyku sardečnych chvarob amal na 50%, piša onet.pl.
Umacavać svaje kostki i sustavy
Šukajecie biaśpiečny, cikavy i małatraŭmatyčny vid sportu dla luboha ŭzrostu? Źviarnicie ŭvahu na jazdu na viełasipiedzie. Nahruzka z supracivam, da jakoj i naležyć hety sport, źjaŭlajecca adnym ź lepšych sposabaŭ pavysić ščylnaść kostak i źnizić ryzyku asteaparozu. Jazdu na rovary rekamiendujuć navat ludziam z osteaartrozam kalennaha sustava, bo jana nie nahružaje paškodžanyja chvarobaj kaleni, moža paskoryć ich adnaŭleńnie i źnizić niepryjemnyja simptomy artrozu.
Skinuć lišniuju vahu
Niezaležna ad taho, chočacie vy skinuć vahu ci padtrymać jaje na stabilnym uzroŭni, jazda na rovary — dobry sposab spalić niepatrebnyja kałoryi. U zaležnaści ad intensiŭnaści treniroŭki i vahi spartsmiena za paŭhadziny viełašpacyru možna spalić da 300 kałoryj! Pry hetym vy nahružajecie nie tolki muskuły śpiny i jahadzic, ale i ŭmacoŭvajecie pajaśničny adździeł pazvanočnika, muskuły žyvata i plačej.
Palepšyć svoj psichičny stan
Varta pamiatać, što jazda na rovary karysnaja nie tolki dla našaha cieła, ale i dla psichiki. Zaraz, kali navokał stolki stresaŭ, ludzi časta šukajuć sposab rassłabicca i adciahnuć svaju uvahu ad prablem, i jazda na viełasipiedzie ŭ hetym vielmi dapamahaje. Toje zadavalnieńnie, jakoje vy atrymajecie padčas viełašpacyru, dapamoža supakoić rozum i źnizić ryzyku depresii i inšych psichičnych zachvorvańniaŭ.
Zrabić krok nasustrač ekałohii
Aŭtamabili — pryčyna mnostva škodnych vykidaŭ: adna mašyna, pa danych amierykanskaha Upraŭleńnia pa achovie navakolnaha asiarodździa, vykidaje ŭ atmaśfieru 4,6 ton vuhlakisłaha hazu ŭ hod! Jeŭrapiejskaja fiederacyja viełasipiedystaŭ padličyła, što jazda na rovary ŭ siarednim u 13 razoŭ mienš škodnaja dla ekałohii, čym jazda na mašynie.
Ci sapraŭdy dla zdaroŭja karysna prachodzić 10 tysiač krokaŭ štodzień? Nie, tolki 7500
Hadami štodzień visieŭ na turniku i vyras na 8 santymietraŭ. Realna?
«Vialiki absalutna čałaviek». Kola Łukašenka raskazaŭ, što dla jaho baćka i ŭ čym jahonaja apazicyjnaść38
Kamientary