Novaja praca navukoŭcaŭ śviedčyć, što rehularnyja prabiežki dazvalajuć značna źnizić ryzyku raku małočnaj załozy. Dla taho, kab atrymać efiekt, patrebna tolki try prabiežki štotydzień.
Daśledavańnie, pra jakoje idzie havorka, niadaŭna apublikavali ŭ vydańni British Journal of Sports Medicine. Dla jaho ekśpierty praanalizavali danyja 131 tysiačy žančyn, častka ź ich mieła rak hrudziej, a častka — nie. U vyniku navukoŭcy znajšli surjoznyja śviedčańni, što fizičnaja aktyŭnaść źnižaje ryzyku chvaroby, piša The Times.
Fizičnaja nahruzka nakštałt prabiežki, kali jana maje miesca chacia b try razy na tydzień, źnižaje ryzyku raku na 38 pracentaŭ. Pryčym vysokaintensiŭnaja aktyŭnaść nakštałt intervalnaha biehu lepš abaraniaje ad raku, čym mienš napružvalnyja vidy nahruzki, takija jak joha, navat kali čałaviek spalvaje adnu i tuju ž kolkaść kałoryj.
Kali ž žančyna viadzie siadziačy ład žyćcia, heta naadvarot mocna pavyšaje ryzyku chvaroby. U vypadku z trojčy niehatyŭnym rakam hrudziej — samaj ahresiŭnaj formaj raku małočnaj załozy — ryzyka chvaroby pavyšajecca dvojčy, kali žančyna maje mała fizičnaj aktyŭnaści.
Mierkavana, fizičnaja aktyŭnaść dapamahaje źnizić ryzyku, bo dziakujučy joj žančyna kantraluje vahu, vypracoŭku pałavych harmonaŭ, źnižaje ŭ arhaniźmie zapaleńnie i ŭzmacniaje imunitet. I naadvarot, jość faktary, jakija pavialičvajuć imaviernaść raku: zanadta vialikaje ŭžyvańnie ałkaholu, lišniaja vaha i niemałady ŭzrost.
Što moža pryvieści da raku małočnaj załozy i jak upłyvaje na zdaroŭje hrudziej stres i rehularnaść seksu?
Chto toj biełarus, jaki prabiežkami «maluje» Babaryku i piša słovy salidarnaści
Biełarus-pastar vyjhraŭ vialiki zabieh u Polščy. Paśla hetaj hutarki vy jaho dakładna palubicie
Zdajuć u arendu katedž zahinułaha chakieista Cypłakova ŭ Drazdach. Voś interjery FOTY19
Kamientary