«Nichto nie daje mnie bolš za 30 hadoŭ, ale na heta ja traču nie mienš za tysiaču rubloŭ na miesiac». Minčanka — pra płastyčnuju chirurhiju i reakcyju mužčyn
Alesia 16 hadoŭ pracavała inžynieram u budaŭničaj śfiery, apošni hod — va ŭłasnym sałonie pryhažości dla mužčyn. Jana pryznajecca, što za hety čas sutyknułasia ź vialikaj kolkaściu stereatypaŭ, jakija tyčacca žančyn i pryhažości. Alesia padviała dakładny kaštarys vydatkaŭ i ličyć, što 500 rubloŭ — heta minimalnaja suma, jakuju žančyna pavinna tracić na miesiac, kab zastavacca pryhožaj. Minčanka ličyć, što kali vy mužčyna, jaki nie zhodny z hetym śćviardžeńniem, to vy, chutčej za ŭsio, zvyčajny sknara. A kali vy niazhodnaja žančyna, to prosta nie možacie sabie hetaha dazvolić. Jaje historyju raspaviadaje Onliner.
«Addała $10 tysiač na płastyčnuju chirurhiju, i damašni dohlad nie patrebny»
Niejak raz ja padličyła, kolki treba vydatkavać dziaŭčynie na minimalny dohlad siabie — biez usialakich tam naroščvańniaŭ viejek, piermanientu brovaŭ abo masažu. Tolki samy minimum — trenažorka, manikiur, piedykiur, cyrulnik u zvyčajnym (nie premium) sałonie — z usimi abaniemientami, źnižkami i akcyjami abychodzicca ŭ 500 rubloŭ, tak što navat minimum moža sabie dazvolić daloka nie kožnaja biełaruska.
Šmat chto kaža: navošta trenažorka, kali možna biaspłatna pabiehać ci zajmacca doma? Dyk heta ž nie prosta nahruzka na roznyja hrupy ciahlicaŭ, a jašče i dyscyplina: sam siabie doma nie pahaniaješ! Toje ž samaje z usim astatnim: tak, možna pafarbavać paznohci łakam za 2 rubli ci samoj pafarbavać vałasy, ale jakaść budzie značna horšaja. Kali žančyna robić heta sama, to tolki tamu, što nie moža dazvolić sabie prafiesijanała.
A voś kali tabie 40 hadoŭ, minimalnym naboram dohladu ŭžo nie abydziešsia — dadajucca injekcyjnaja kaśmietałohija i płastyčnaja chirurhija. Zrazumieła, što nichto nie daje mnie bolš za 30 hadoŭ na pieršy pohlad, ale na heta ja traču nie mienš za tysiaču rubloŭ na miesiac.
Moj pryncyp — kožny pavinien zajmacca svajoj spravaj. Tamu ja nikoli nie vykonvaju nijakich bjuci-pracedur doma. Moj chatni dohlad adsutničaje — ja nie mahu prymusić siabie rabić niešta sistematyčna. Dla mianie značna važniej vyspacca (splu da apošniaj chviliny). Tak što ja lepš bolš zarablu, a mianie niachaj dahladaje śpiecyjalist.
Z 30 da 40 hadoŭ ja ŭkłała ŭ siabie cełaje bahaćcie, a ciapier prosta padtrymlivaju toje, što maju. U hety pieryjad ja pastaviła sabie brekiety ($3,5 tysiačy), zrabiła rynapłastyku ($3,8 tysiačy), blefarapłastyku ($1 tysiača) i lipasakcyju ($1,2 tysiačy). Razam — amal $10 tysiač, pry tym što ja ŭsio rabiła ŭ dziaržaŭnaj klinicy.
Vočy — heta lusterka dušy, i, kali hetaje lusterka pryčynienaje «firankami», treba ich raspluščyć. Ja liču, heta abaviazkovaja pracedura dla ludziej bližej da 40 hadoŭ.
Toje ž samaje tyčycca ŭśmieški: heta nie tolki pryhažość, ale i zdaroŭje. Ad zuboŭ zaležyć navat simietryja tvaru, tamu na hetaj pracedury ekanomić nijak nielha. Z usiaho zroblenaha ja škaduju tolki pra lipasakcyju: efiekt na vaśmi zonach navat pry zachavańni dyjety i štodzionnych (!) zaniatkach sportam pratrymaŭsia try miesiacy, tak što heta było pustoje marnavańnie hrošaj.
Usio astatniaje — maje ŭkładańni va ŭpeŭnienaść u sabie, i jany akupilisia. Pryhažość dazvalaje mnie iści pa žyćci ŭpeŭniena i z vysoka padniataj hałavoj. Chto b što ni kazaŭ, ale sustrakajuć čałavieka «pa vopratcy».
Ciapier ja tolki raz na paŭhoda rablu roznyja injekcyi — botaks i miezaterapiju. Kali ŭžo technałohii dajšli da taho, kab dazvolić ludziam stareć pryhoža, dyk čamu imi nie skarystacca?
Taksama ja rehularna zajmajusia sportam, ale dla mianie heta nie sposab schudnieć, a mahčymaść jeści ŭsio, što ja chaču.
Ja nie vybudoŭvała svaju adnosnuju pryhažość źniasilvajučymi dyjetami, biaskoncaj prakačkaj ciahlicaŭ. Ja — za rozum: razumny čałaviek zaŭsiody zarobić, a za hrošy zmoža kupić pryhažość luboha ŭzroŭniu.
«U mužčyn hałoŭnaja prablema — nieadekvatnaja samaacenka, jany nievierahodna samazakachanyja»
Uvohule, dla 40 hadoŭ i pry poŭnaj lubovi da siabie ja ciapier rablu minimum u dohladzie za saboj. Kali mierkavać pa ŭvazie mužčyn, jany adnaznačna aceńvajuć usie hetyja ŭkładańni. Ale jość adno «ale»: aceńvajuć, ale nie razumiejuć, jakaja heta vializnaja praca. Uličvajučy, što siaredni ŭzrost maich kavaleraŭ užo nabližajecca da 20 hadoŭ, heta stanovicca prablemaj. A znajści kahości svajho ŭzrostu ciažka: heta ci žanatyja mužčyny, ci tyja, jakija nikoli nie byli žanatyja i zacyklenyja na sabie. Takija da 40 hadoŭ žyli z mamaj i lubili tolki siabie. I mama budzie kamandavać im da piensii: «Synok, heta nie tvajo!»
Ja sustrakaju šmat skvapnych mužčyn, jakija, navat doračy padarunak, zachoŭvajuć čeki. Šmat chto kaža: navošta mnie marnavać hrošy na žanočuju źniešnaść, ja lepš znajdu pryhožuju pieršapačatkova! Ale pryhažość biez dohladu moža być tolki ŭ vielmi maładych, a mužčyn va ŭzroście časta nie zadavalniaje tupaść i abmiežavanaść takich dziaŭčynak. Zastajecca šukać starejšuju žančynu, a kab jana była pryhožaj, u jaje treba ŭkładacca. Jana i biez vas spravicca, ale dla čaho tady joj vy? Vydatki — heta ž pakazčyk kłopatu.
U bolšaści mužčyn naohuł hałoŭnaja prablema — ich nieadekvatnaja samaacenka, jany nievierahodna samazakachanyja. Časam tak i chočacca skazać: spuściciesia ź niabiosaŭ na ziamlu!
Mnie davodziłasia ŭhavorvać ich vydalić vałasy, jakija tyrčać z nosa i vušej, tamu što ŭsie vakoł heta bačać, a jany — nie! Zatoje plamka na majcy žančyny abo adrosły manikiur jany abaviazkova zaŭvažać (i abmiarkujuć pamiž saboj).
Kali pahladzieć na mužčyn na vulicy, zdajecca, što choć niejak dahladajuć siabie nie bolš za 20%. Heta abo maładziejšyja chłopcy, abo adzinokija mužčyny va ŭzroście, asabistaje žyćcio jakich jašče zaležyć ad źniešniaha vyhladu. U astatnich «palityka partyi» takaja: lubicie mianie takim, jaki ja jość. Ad ich ža čaściej za ŭsio čuješ kamientaryi nakštałt «Praściej zavieści kata», «Ja lepš budu adzin», «A čaho heta my pavinny» i «Nam jakaja roźnica, što vy tam vydatkoŭvajecie?»
Prykładnyja vydatki Alesi za miesiac:
- Afarboŭvańnie ŭ błond — 160 rubloŭ.
- Šampuń, balzam, termasprej — 79 rubloŭ.
- Karekcyja naroščanych vałasoŭ — 180 rubloŭ.
- Manikiur — 45 rubloŭ.
- Piedykiur — 75 rubloŭ.
- Salaryj čatyry razy na miesiac — 48 rubloŭ.
- Abaniemient u FAK — 83 rubli.
- Hihijena rota (biez adbielvańnia) raz na paŭhoda — 30 rubloŭ.
- Ahulny masaž — 120 rubloŭ.
- Injekcyjnaja kaśmietałohija — 108 rubloŭ.
- Vaskovaja depilacyja — 95 rubloŭ.
- Minimalny nabor kaśmietyki — 50 rubloŭ.
- Pilinh i SMAS-liftynh —100 rubloŭ.
- Razam — 1173 rubli (nie ŭklučajučy płastyčnuju chirurhiju).
Paznohci mohuć być prykmietaj hroznaj chvaroby. Jak heta zaŭvažyć?
Prabiežki mocna źnižajuć ryzyku raku hrudziej
Majecie prablemy sa snom? Voś niekalki sposabaŭ, jak ich pazbavicca
-
Televiadučaja Śviatłana Baroŭskaja raskazała pra novaha muža — zahadkavaha rasijskaha biznesmiena
-
Depilacyja intymnaj zony bolš nie ŭ modzie, papularnaja vałasataść. Heta pryvodzić da niečakanych nastupstvaŭ
-
Kab daviedacca poł budučaha dziciaci, minčuki zamovili asabistuju padśvietku 27-paviarchovaha biznes-centra
Zdajuć u arendu katedž zahinułaha chakieista Cypłakova ŭ Drazdach. Voś interjery FOTY14
Kamientary