Jaho pachu dastatkova, kab u domie źjaviłasia atmaśfiera śviata. Darečy, smačny hlintviejn moža być i biezałkaholny — kali hatavać jaho z soku čyrvonaha vinahradu.
Fota: BBC Food
Inhredyjenty dla hlintviejnu mohuć varjiravacca ŭ zaležnaści ad vašych hustaŭ i najaŭnaści ich doma. Kab zhatavać hlintviejn, vam spatrebicca:
- 1 vialiki apielsin abo łupiny apielsinaŭ, śviežyja ci suchija
- 3 limony abo łupiny limonaŭ, śviežyja ci suchija
- 12 butonaŭ sušanaj hvaździki
- 2 mandaryny, kali majecie
- 2 butelki čyrvonaha vina pa 750 mililitraŭ abo paŭtara ci dva litry vinahradnaha soku
- 2 pałački karycy
- 150 hramaŭ cukru (pa žadańni)
- brendzi na smak (pa žadańni)
- Akuratna ačyścicie apielsiny i limony ad cedry tak, kab jana była duža tonkaja. Možacie skarystacca pryładaj dla łupleńnia harodniny. Adciśnicie z sadaviny sok i adstaŭcie jaho ŭbok.
- Utorknicie butony hvaździki ŭ mandaryny.
- Nalicie vino ci sok i 1,2 litra chałodnaj vady ŭ vialikuju kastrulu z toŭstym dnom, dadajcie cedru i sok cytrusavych. Pakładzicie tudy ž mandaryny z hvaździkaj i karycu. Daviadzicie sumieś da kipieńnia, potym trochi źmienšycie ahoń, nakryjcie kastrulu i praciahvajcie varyć hlintviejn — možna mienš, možna bolš, da hadziny. Padčas hatavańnia pastupova dadavajcie cukar, pakul hlintviejn nie stanie dastatkova sałodki na vaš hust (mahčyma, u vas zastaniecca lišni cukar).
- Pracadzicie hlintviejn i padavajcie jaho haračym u kubkach.
Recept na vychadnyja: smažanyja hrudki kački ź inžyram
Jak sabrać karysnuju ssabojku? Parady dyjetołaha
Recept na vychadnyja. Kleftyka — sakavitaja baranina z hrečaskim kałarytam
«Vialiki absalutna čałaviek». Kola Łukašenka raskazaŭ, što dla jaho baćka i ŭ čym jahonaja apazicyjnaść38
Kamientary
voś viartalisia my z pakatušak u Bukaŭli, zarulivali za naboram pad hlintviejn, stavili film, siadali i ŭspaminali, jak my kłasna pakatalisia
daŭno niama toj kramki sa śpiecyjami
voś-voś nie budzie ci ŭžo niama taho Vitalura
Bukaviel (moj lubimy) jość, ale naŭrad ci my kali tydy ŭžo pajedziem
dy j navat kinasiensaŭ tych chatnich daŭno ŭžo niama
* darečy, spadarstva, a jak budzie "suchofrukt" pa-biełarusku? nu nie sucha ž sadavina? a jak?