U kancy studzienia ŭ Iranie było padpisana pahadnieńnie ab eksparcie ŭ Biełaruś i Rasiju lehkavych aŭtamabilaŭ ad Saipa Group. Damovu zaklučyli hiendyrektar vytvorcy Machamad Ali Tejmury i dyrektar biełaruskaha TAA «Łaki Kerensi» Siarhiej Vačynski, piša Reform.by.
Na padpisańni damovy prysutničali pasoł Biełarusi ŭ Iranie Dźmitryj Kalcoŭ i namieśnik ministra pramysłovaści, rudnikoŭ i handlu Irana Manučechr Mantehi.
Iranskija ŚMI ŭdakładniajuć, što praduhledžvajecca pastaŭka 10 tysiač aŭtamabilaŭ Saipa Group za pieršy hod, 15 tysiač za druhi hod i 20 tysiač za treci hod, i adnačasova budzie praciahnuta supracoŭnictva ŭ śfiery sumiesnaj vytvorčaści ŭ Biełarusi.
Niekalki dzion tamu biełaruskija aŭtamabilnyja ŚMI paviedamlali padrabiaznaści zaklučanaha kantraktu. Pa źviestkach av.by, u Biełaruś buduć pastaŭlać chetčbek Quik, a taksama siedany Saina i Shahin.
Prykładna praz try miesiacy aŭtamabili źjaviacca ŭ Rasii i Biełarusi. Padrabiaznaści ab asnaščeńni i cenach madelej Saipa dla Biełarusi abjaviać bližej da startu prodažu.
Zdajuć u arendu katedž zahinułaha chakieista Cypłakova ŭ Drazdach. Voś interjery FOTY19
Kamientary