Siarod vahnieraŭcaŭ, jakija katavali i zabili kuvałdaj siryjca na kamieru ŭ 2017-m, byli dva biełarusy

Stali viadomyja imiony najmitaŭ PVK «Vahnier», jakija ŭ 2017 hodzie z vykarystańniem kuvałdy zamučali, zabili i rasčlanili žychara Siryi, źniaŭšy heta na niekalki kamier i zatym vykłaŭšy hetyja videa ŭ internet. Siarod hałavarezaŭ akazalisia dva hramadzianina Biełarusi.

Pra heta 20 lutaha paviedamiŭ rasślednicki centr «Dośje», jaki sumiesna z vydańniami Die Welt, Insider, Paris Match i Arte atrymaŭ dostup da ŭnutranaj dakumientacyi PVK «Vahnier» i ŭstanaviŭ asoby hetych najmitaŭ.

Adznačajecca, što niekatoryja ź ich užo miortvyja, ale astatnija žyvuć na voli ŭ Rasii (ci ŭ Biełarusi), zajmajučysia zvyčajnaj dziejnaściu albo praciahvajučy pracavać na «Vahnier».

«Siarod saŭdzielnikaŭ raspravy ŭ tym liku jość dvoje byłych supracoŭnikaŭ MUS RF, drobny kryminalnik, kazak-manarchist, uradžency Biełarusi i pamočnik deputata ad KPRF. Usie jany ŭvachodzili ŭ 4-ju šturmavuju rotu PVK «Vahnier». 

«Zabojstva siryjca było zroblena naŭmysna i na zahad načalstva. Adnak paśla trapleńnia videa ŭ sietku «Vahnier» pačaŭ pravodzić unutranaje rasśledavańnie ŭciečki, a rasijskaje kiraŭnictva i śledčy kamitet nie zaviali nijakich kryminalnych spraŭ, nazvaŭšy źlityja videa niesapraŭdnymi», — napisana ŭ apublikavanym rasśledavańni centra «Dośje».

Bolš padrabiaznuju infarmacyju pra ŭdzielnikaŭ pakarańnia možna atrymać ​​pa hetaj spasyłcy. My ž padrabiaźniej razhledzim tolki ŭradžencaŭ Biełarusi.

Budźko Mikałaj Viktaravič

Pavialičyć

Mikałaj Budźko naradziŭsia ŭ Horkach u 1975 hodzie. Z 1993 pa 1994 hod jon prachodziŭ terminovuju słužbu ŭ biełaruskaj armii i staŭ namieśnikam kamandzira ŭzvoda PDV (ciapierašnija Siły śpiecyjalnych apieracyj). Zatym pierajechaŭ u Rasiju, atrymaŭ tam hramadzianstva i ŭładkavaŭsia ŭ rasijski AMAP.

Dalejšy jaho pasłužny śpis byŭ takim: dźvie bajavyja kamandziroŭki ŭ Dahiestan i Čačniu, słužba ŭ francuzskim Zamiežnym lehijonie, praca ŭ rasijskim PVK Moran Security Group i potym užo z 2015 hoda słužba pa kantrakcie ŭ «Vahniery», dzie jon stanovicca kamandziram 4-j šturmavoj roty, jakaja i ździejśniła złačynstva ŭ Siryi.

«Jak vyśvietliłasia, mienavita jon addavaŭ zahad ab žorstkim zabojstvie siryjca ŭ 2017 hodzie. Bolš za toje, da jaho ad padnačalenych pastupali źniatyja materyjały pakarańnia, jakija jon potym u jakaści spravazdačy ab praviedzienaj pracy adpraŭlaŭ dalej vyšejstajačamu kamandavańniu», — skazana ŭ rasśledavańni.

Zhodna z atrymanaj infarmacyjaj, za hetaje złačynstva Budźko nie byŭ pryciahnuty da kryminalnaj adkaznaści. Naadvarot, jon praciahnuŭ pracavać u PVK «Vahnier» u jakaści kamandzira ŭsio toj ža 4-j šturmavoj roty, vykonvajučy roznyja zadańni ŭ Afrycy i Siryi.

Bakunovič Andrej Piatrovič

Pavialičyć

U rasśledavańni adznačajecca, što Andrej Bakunovič taksama maje padvojnaje hramadzianstva Biełarusi i Rasii. Sam jon naradziŭsia ŭ Kalinkavičach, ale potym žyŭ ŭ Ciumienskaj vobłaści Rasii.

Jon u šerahach vahnieraŭcaŭ udzielničaŭ u bajavych dziejańniach va Ukrainie ŭ 2014-2017 hadach na baku niepryznanaj «DNR», a zatym praciahnuŭ pracavać najmitam, ale ŭžo pa-za PVK «Vahnier».

«Jahony dalejšy los akazaŭsia pieraplecieny z vybarami 2020 hoda ŭ Biełarusi, bo jon byŭ u składzie tych samych rasijskich najmitaŭ, jakich letam taho ž hoda aryštavała KDB u sanatoryi «Biełarusačka». Vahnieraŭcaŭ tady abvinavacili ŭ sprobach destabilizacyi situacyi ŭ krainie pierad vybarami, a zatym praz peŭny čas vypuścili», — paviedamlaje centr «Dośje».

Adnak z 33 najmitaŭ tolki 32 viarnulisia nazad u Rasiju, i siarod ich nie było Bakunoviča.

Miarkujecca, što jon zastaŭsia ŭ Biełarusi, bo na toj momant Bakunovič užo žyŭ sa svajoj siamjoj u Kalinkavičach praciahły čas. Ale dalejšy jaho los nieviadomy.

Čytajcie jašče:

Vyzvaleny z pałonu bajec USU: Nas u SIZA vieźli praz terytoryju Biełarusi

Hrupoŭka Vahniera straciła va Ukrainie bolš za 30 tysiač čałaviek zabitymi i paranienymi — CNN 

Pieršaja častka ŭkrainskich vajskoŭcaŭ prajšła padrychtoŭku na bazie ZŠA ŭ Hiermanii

• 3
• 5
• 3
• 8
• 3
• 72