Siastra «dyviersanta» ź milicejskaj aryjenciroŭki: Jon byŭ doma ŭ hetyja dni
Aryjenciroŭka na Mikołu Šviaca šyroka razyšłasia pa internecie. «Uradženiec Kryma, 1993 hoda naradžeńnia», — pišacca ŭ joj. «Naša Niva» adšukała svajačku chłopca z fota i pahavaryła ź joj.
Dziaŭčyna paprasiła nie publikavać jaje imia i fota. Voś što jana raskazała:
«Na fota — moj brat. Nu, prosta zorka! Ja bajusia davać jahony kantakt, bo heta moža być dla jaho niebiaśpiečna pry ŭsioj surjoznaści spravy, ale jon dakładna nie maje dačynieńnia da hetaj akcyi.
Jon nikoli nie byŭ u Biełarusi. 25 i 26 lutaha jon doma siadzieŭ va Ukrainie: mužčynam ža nielha vyjazdžać».
Ich siamja rodam nie z Kryma, a z Kryvoha Roha, choć i žyła ŭ Vialikaj Jałcie da akupacyi. Paśla taho, jak Rasija akupavała Krym, Šviacy vyjechali.
«Brat zusim nie vajskoviec. Na pačatku vajny Mikoła zapisaŭsia ŭ terabaronu, ale ciapier jon nie tam, bo ludziej chapaje i bieź jaho, naboru niama. Uvohule, stałaj prafiesii brat nie maje i pracuje dzie daviadziecca, i jon nie śpiecsłužbist.
Hetyja fota, chutčej za ŭsio, «źlityja» z bazy PryvatBanka — mnie, jak žycharcy Ukrainy, vidać, što heta fota, jakija rabili ŭ banku pry vydačy kartki. Va Ukrainie heta zvyčajnaja reč, što fota klijentaŭ bankaŭ pradajuć u internecie.
Ja asabista liču, što heta ŭkid ź niejkaha boku. Hetaha nie moh ździejśnić moj brat».
Raniej kiraŭnik BYPOL Alaksandr Azaraŭ prakamientavaŭ «Našaj Nivie», što na aryjenciroŭcy «nie ich čałaviek».
Adkaznaść za vybuchi na aeradromie ŭ Mačuliščach uziała inicyjatyva biełaruskich siłavikoŭ suprać dyktatury BYPOL. Jana śćviardžaje, što biełaruskija padpolščyki z dapamohaj dronaŭ vyvieli z ładu miehakaštoŭny samalot dalokaj raźviedki koštam 330 miljonaŭ dalaraŭ.
«Naša Niva» — bastyjon biełaruščyny
PADTRYMAĆ«Žestačajšaj dyscypliny!» Łukašenka adčytaŭ kiraŭnictva siłavoha błoku. Chrenin siadzieŭ jak myła źjeŭšy
Rasijski samalot A-50 u Mačuliščach moža być surjozna paškodžany — pra heta śviedčyć adna detal
U Kramli admovilisia kamientavać ataku na rasijski samalot u Biełarusi
«Samym składanym była evakuacyja». Azaraŭ pra padrabiaznaści padryvu rasijskaha samalota ŭ Mačuliščach
Krasamoŭna. Što łukašenkaŭskija kanały napisali pra vybuchi ŭ Mačuliščach
«Dalej budzie tolki bolš». Biełarus-raspracoŭščyk u halinie ŠI, jaki pracuje ŭ Ńju-Jorku, raskazaŭ, što nas čakaje19
Kamientary