Śmierć Pucina, śmierć Zialenskaha, «udar pa Kramli». Raźviedka ZŠA razhladaje «nievierahodnyja» scenary vajny — źlivy

Siarod čatyroch «niepradkazalnych» scenaroŭ raźvićcia vajny va Ukrainie New York Times raspaviadaje tolki pra adzin — «udar pa Kramli», ale vydańnie nie ŭdakładniaje, što majecca na ŭvazie — ataka na sam Kreml ci ŭdar pa Maskvie.

Analityki raźviedki ličać, što ŭ vypadku takoha scenara jość dva varyjanty raźvićcia padziej. 

Pieršy — u adkaz na «burny hramadski pratest» Pucin abvieścić usieahulnuju mabilizacyju i razhledzić mahčymaść prymianieńnia taktyčnaj jadziernaj zbroi. Druhi varyjant — strach u hramadstvie prymusić Pucina pajści na zaviaršeńnie vajny šlacham pieramoŭ.

Jak adznačaje New York Times, mahčymy ŭdar USU pa Maskvie vyklikaje zaniepakojenaść u kiraŭnictva ZŠA, bo heta moža pryvieści da surjoznaj eskałacyi vajny z boku Rasii. Aściarohi amierykanskich uład — adna z pryčyn, pa jakich jany admaŭlajucca pastaŭlać Ukrainie dalnabojnyja rakiety.

Što dumajuć analityki ab tym, jak buduć raźvivacca padziei pry troch inšych «niepradkazalnych» scenarach, New York Times nie piša. 

Ale ŭ dakumiencie analizujucca nie tolki «niepradkazalnyja» scenary. 

Dla roznych abstavin raźviedka aceńvaje imaviernaść adnaho z troch bolš mahčymych varyjantaŭ raźvićcia padziej. Varyjanty nastupnyja: eskałacyja, mirnyja pieramovy ci adsutnaść źmien. Dla «niepradkazalnych» scenaryjaŭ dadzieny tolki varyjanty raźvićcia — biez acenki ich imaviernaści.

U cełym analityki ličać, što vajna budzie praciahłaj.

Sam dakumient New York Times nazyvaje «typovym praduktam» raźviedvalnych słužbaŭ. Na im staić paznaka RELIDO, jakaja aznačaje, što pa rašeńni vyšejšaha kamandavańnia infarmacyjaj možna dzialicca, naprykład, z «zamiežnymi partniorami». 

Dakumient datavany 24 lutaha 2023 hoda, vierahodna, jon źjaŭlajecca častkaj analityčnych materyjałaŭ, vypuščanych da hadaviny vajny. 

Vajskovyja čynoŭniki admovilisia paćvierdzić dakładnaść infarmacyi, ale nie stali admaŭlać sapraŭdnaść dakumienta. Jon padobny da inšych dakumientaŭ z maštabnaj uciečki, adznačaje vydańnie.

Čytajcie taksama inšyja materyjały pra źliŭ sakretnych dakumientaŭ Pientahona i NATA:

U sacsietki trapili płany ZŠA i NATA pa padrychtoŭcy ŭkrainskaha nastupu

Alaksiej Daniłaŭ prakamientavaŭ infarmacyju pra mahčymyja napramki kontrnastupu i jaho terminy

Dakumienty, što trapili ŭ publičny dostup, pakazvajuć, što ZŠA atrymlivajuć infarmacyju z amal kožnaj rasijskaj śpiecsłužby 

Z sakretnych amierykanskich dakumientaŭ stali viadomy straty ŭkrainskaj armii

Ukraina źmianiła vajennyja płany z-za ŭciečki sakretnych dakumientaŭ Pientahona — CMI

U źlitych sakretnych dakumientach ZŠA tłumačycca dyviersija ŭ Mačuliščach

• 5
• 0
• 1
• 0
• 3
• 2
• 1
• 0