ZŠA z sajuźnikami razhladajuć mahčymaść poŭnaj zabarony ekspartu tavaraŭ u Rasiju
Šerah klučavych sajuźnikaŭ Ukrainy, uklučajučy ZŠA, razhladajuć mahčymaść nabližeńnia da poŭnaj zabarony ekspartu bolšaści tavaraŭ u Rasiju, paviedamlaje Bloomberg.
Sa słoŭ surazmoŭcaŭ ahienctva, čynoŭniki krain G7 abmiarkoŭvajuć takija abmiežavańni pierad majskim samitam u Japonii. Pry hetym płanujecca dałučyć da zabarony ekspartu i krainy Jeŭrasajuza.
Krynicy adznačajuć, što hetaja ideja znachodzicca na stadyi abmierkavańnia i jaje mohuć pierahledzieć.
U materyjale havorycca, što prapanavanyja abmiežavańni praduhledžvajuć zabaronu ekspartu ŭsich tavaraŭ, tolki kali jany nie ŭniesienyja ŭ śpis vyklučeńniaŭ. Ciapier prodaž tavaraŭ Rasii dazvoleny, kali hetaha nie zabaraniajuć sankcyi.
Kali taki krok budzie ŭchvaleny, to lidary krain G7 pavinny ŭzhadnić śpis vyklučeńniaŭ. Pa infarmacyi ad krynic, leki i sielskahaspadarčaja pradukcyja zastanucca ŭ hetym śpisie.
Ciapier, praŭda, jość surjoznyja pieraškody dla ŭviadzieńnia takich šyrokich abmiežavańniaŭ. U pryvatnaści, heta źviazana z tym, što novyja kryteryi pavinny ŭchvalić usie krainy ES, a heta paciahnie žorstkija debaty z-za vierahodnaj niehatyŭnaj reakcyi z boku kampanij, jakija da hetaha času ekspartujuć tavary ŭ Rasiju, a taksama ryzyka mier u adkaz z boku Maskvy.
Pa infarmacyi ženieŭskaj arhanizacyi Trade Data Monitor, u Rasiju praciahvajuć pastupać tavary ź Jeŭropy, ZŠA, Kanady i Japonii na sumu 66 miljardaŭ dalaraŭ, što ŭdvaja mienš, čym da pačatku poŭnamaštabnaha ŭvarvańnia Rasii va Ukrainu.
Raniej vydańnie Financial Times paviedamlała, što ES pracuje nad novymi sankcyjami suprać Rasii. Jak miarkujecca, novyja miery buduć abmiežavanyja pašyreńniem čornych śpisaŭ i mierami suprać abychodu ŭžo ŭviedzienych abmiežavańniaŭ.
«Vialiki absalutna čałaviek». Kola Łukašenka raskazaŭ, što dla jaho baćka i ŭ čym jahonaja apazicyjnaść32
Kamientary