Paśla apracoŭki 100% biuleteniaŭ Erdahan atrymaŭ 49,24% hałasoŭ, Kyłyčdarohłu — 45%, paviedamlaje dziaržaŭny telekanał TRT.
Unačy Erdahan vystupiŭ pierad prychilnikami i vykazaŭ upeŭnienaść u pieramozie ŭ pieršym tury. Jon dadaŭ, što vybarčaj kamisii treba «krychu bolš» času, kab paličyć hałasy, čym płanavałasia. Taksama jon abvinavaciŭ apazicyju ŭ padmanie nacyi praz słovy pra lidarstva jaje kandydata na vybarach.
Kyłyčdarohłu ŭ svaim vystupie adznačyŭ, što ŭ Turcyi pavinien prajści druhi tur prezidenckich vybaraŭ. «My zrobim usio, kab na praciahu nastupnych 15 dzion razam z našym narodam ustalavać spraviadlivaść i pravasudździe. Chaj naš narod budzie ŭpeŭnieny — my abaviazkova pieramožam», — skazaŭ jon.
Druhi tur projdzie 28 maja.
Na parłamienckich vybarach amal 50% hałasoŭ zavajavaŭ «Respublikanski aljans» dziejučaha prezidenta. Heta 322 z 600 deputackich miescaŭ. Apazicyjny «Narodny aljans» — 35% i 212 miescaŭ.
Čytajcie taksama:
«Vialiki absalutna čałaviek». Kola Łukašenka raskazaŭ, što dla jaho baćka i ŭ čym jahonaja apazicyjnaść14
Kamientary