Futbalist z čempijanatu Biełarusi staŭ hulcom topavaha francuzskaha kłuba
Histaryčny tranśfier dla vyšejšaj lihi, ale nie dla biełaruskaha futboła.
Eks-abaronca minskaha «Enierhietyka-BDU» Abdukadzir Chusanaŭ padpisaŭ kantrakt z francuzskim «Łansam», jaki ŭ minułym siezonie zaniaŭ druhoje miesca ŭ Lizie 1.
Za «Enierhietyk» Abdukadzir pravioŭ 35 matčaŭ u čempijanacie, dzie adznačyŭsia 4 hałami i 4 asistami. Taksama na jaho rachunku 2 pajadynki ŭ Kubku Biełarusi.
«Nie zabyvajem i pra siarebranyja miedali minułaha siezona! Dziakuj za hulniu, Abdukadzir! Lubim i hanarymsia!» — napisaŭ kłub u sacsietkach. Chusanavu — 19 hadoŭ.
U sakaviku hetaha hoda jon u składzie moładzievaj zbornaj Uźbiekistana staŭ čempijonam Azii, zabiaśpiečyŭšy sabie prava ŭziać udzieł i ŭ čempijanacie śvietu. Tam Uźbiekistan prabiŭsia ŭ płej-of, ale ŭ 1/8 finału paciarpieŭ paražeńnie.
U červieni Chusanaŭ taksama debiutavaŭ za nacyjanalnuju zbornuju Uźbiekistana ŭ turniry CAFA Nations Cup 2023, dzie dvojčy navat vychodziŭ u startavym składzie. Ale ŭ finale taho turniru Uźbiekistan sastupiŭ Iranu (0:1).
«Łans» u minułym čempijanacie Francyi zaniaŭ druhoje miesca, tolki adzin bał sastupiŭšy PSŽ. Kłub budzie hulać u hrupavym raŭndzie Lihi čempijonaŭ.
Što da biełaruskich futbalistaŭ u čempijanacie Francyi, to ŭ svoj čas za «Miec» hulaŭ Siarhiej Kryviec (za try hady zhulaŭ 36 matčaŭ, zabiŭ dva hały), za «Nansi» hałkipier Siarhiej Černik (pravioŭ za čatyry hady 44 matčy, prapuściŭ 55 miačoŭ).
U krasaviku 2022 hoda ŭ «Bastyju» (Liha 2) z ukrainskaha «Kołasa» pierajšoŭ Mikałaj Zołataŭ, ale zhulaŭ tolki adzin pajadynak i viarnuŭsia nazad va Ukrainu.
Skončyła žyćcio samahubstvam Śviatłana Krucikava ź Pinska, jakuju nieadnarazova sudzili za «ekstremizm»5
Kamientary