Ramont u styli «baroka», dva ŭzroŭni i zakrytyja dvary. Jakija kvatery pradajuć u Novaj Baravoj
Pahladzieli, što za nieruchomaść i pačym pradajecca ŭ rajonie Minska, ablubavanym ajcišnikami.
Kampanija «A-100-Deviełapmient» pačała budaŭnictva novaha žyłoha rajona «Novaja Baravaja» ŭ 2014 hodzie. Rajon adrazu pačaŭ vyłučacca na fonie zvykłych adnastajnych «spalnikaŭ». Tam uzvodzili žytło, pabudavanaje pa kanonach sučasnaj urbanistyki. Rajon ablubavali ajcišniki, kolkaść jakich u našaj krainie rasła paralelna z novym modnym mikrarajonam.
I kali da 2020 hoda rajon byŭ znakamity na ŭsiu krainu praz dasiahnieńni ŭ halinie ŭrbanistyki, paśla vybaraŭ jon zajmieŭ słavu samaha apazicyjnaha.
Toje, što bolšaść žycharoŭ byli za pieramieny, pryznavali navat prapahandysty, kali vydavali intervju pra siamju jabaciek, jakija byli adzinymi jarymi łukašystami na ŭvieś rajon. Praŭda, z časam da prapahandystaŭ dajšło, što materyjał, u jakim hieroi kažuć, što tolki jany za Łukašenku, nie hraje im na ruku. Aryhinał tekstu byŭ vydaleny z sajta «Minskaj praŭdy», ale inšyja vydańni paśpieli pieradrukavać jaho.
Ale za apošni čas niamała ajcišnikaŭ źjechała z krainy.
Ciapier ceny na kvatery ŭ vioscy Kopišča pačynajucca z $52 900. Stolki prosiać za studyju na 27,2 m² u domie 2017 hoda pabudovy. Ale heta nie zusim toje žytło, jakoje ŭjaŭlaješ sabie, kali havorka idzie pra hety rajon. Heta nu zusim užo panelny dom z dvarom-aŭtastajankaj, jaki ŭ inšych krainach Jeŭropy adnieśli b, chutčej, da razradu sacyjalnaha žytła.
Što tyčycca mienavita Novaj Baravoj, to samaja dastupnaja z vystaŭlenych na prodaž tam kvater aceniena ŭ 54 tysiačy dalaraŭ. Stolki prosiać za studyju na 25,3 m².
Dom 2019 hoda pabudovy, akno vychodzić u dvor. Śviežy ramont, dobraja infrastruktura, vydatnaje transpartnaje złučeńnie — paznačana ŭ apisańni.
Studyi z płoščaj 30+ «kvadrataŭ» kaštujuć užo ad $56 800, ale heta kvatera z hołymi ścienami biez čystavoha azdableńnia.
Kvatera mieścicca na druhim paviersie 17-paviarchovaha doma 2020 hoda pabudovy. Ahulnaja płošča — 33 m².
Usiaho na 2100 dalaraŭ daražej pradajecca adnapakajoŭka anałahičnaj płoščy, ale ŭžo z čystavym azdableńniem, hatovym dla vykarystańnia vannym pakojem i kuchonnaj ścienkaj.
Inšyja varyjanty pradajucca ŭžo pa cenach ad 60 tysiač «viečna zialonych».
«Jeŭradvuška» ź bietonnymi ścienami ŭ domie pavyšanaj kamfortnaści z trenažornaj załaj dla žycharoŭ i dziciačym hulniavym pakojem pradajecca za $74 900.
Ahulnaja płošča pamiaškańnia — 47,4 m². Pa fakcie kvatera, jakuju pradajuć jak «jeŭradvušku», ad zvyčajnaj studyi adroźnivajecca tolki bolšaj płoščaj.
Ceny na sapraŭdnyja dvuchpakajoŭki pačynajucca ad $86 500. Stolki prosiać za paŭnavartasnuju 2-pakajovuju kvateru biez azdableńnia.
Mieścicca jana na apošnim, 10-m paviersie, doma 2022 hoda pabudovy.
Prydatnyja dla žyćcia dvuchpakajoŭki ŭ Novaj Baravoj pradajucca pa cenach ad 90 tysiač dalaraŭ.
Ahulnaja płošča kvatery — 54 m². «Hatovaja dvuchpakajovaja novabudoŭla z terasaj na dachu ŭ piacipaviarchovym domie z ułasnym zakrytym dvarom. U kvatery zrobleny ramont, usio ŭ śvietłych tonach», — havorycca ŭ apisańni da žytła.
Za 105 tysiač u Kopiščy pradajecca dvuchpakajoŭka z ramontam u styli, jaki jaje haspadary nazyvajuć «baroka».
Ahulnaja płošča dvuchpakajoŭki 63 m², žyłaja — 35,7 m². Kvatera znachodzicca na vośmym paviersie 10-paviarchovaha budynka 2015 hoda pabudovy.
U vannym pakoi jość kałony, vialikaja vuhłavaja vanna, šmat marmuru. Kvatera ź nieardynarnym ramontam mieścicca ŭ zvyčajnym šmatpaviarchovym domie, tamu i dvor tut samy prosty, jak i ŭ bolšaści šarahovych «spalnikaŭ».
Usiaho na 5 tysiač daražej pradajecca dvuchpakajoŭka z terasaj u samoj Novaj Baravoj. Ahulnaja płošča taksama 63 «kvadraty». U kvatery dva asobnyja žyłyja pakoi i kuchnia z vychadam na terasu.
Što tyčycca ramontu, to heta poŭny antypod papiaredniamu varyjantu. Tut minimum dekoru i mebli. Zatoje ŭ spalnym pakoi jość kandycyjanier.
Dziciačy pakoj taksama ź minimumam mebli. Haścioŭnia ŭ hetaj kvatery spałučanaja z kuchniaj.
Trochpakajoŭki ŭ Novaj Baravoj pradajucca pa cenach ad 117—120 tysiač dalaraŭ. Stolki prosiać za kvatery biez azdableńnia ŭ novych damach.
Tak, naprykład, za $120 000 pradajecca prastornaja kvatera na 100 «kvadrataŭ» z dvuma sanvuzłami.
Kvatera całkam biez azdableńnia. «Dom raźmieščany pobač z chvajovym lesam i adnačasova ŭ niekalkich chvilinach jazdy ad centra stalicy», — havorycca ŭ apisańni.
Kvatery «troški» z ramontam i meblaj u Novaj Baravoj pradajuć pa cenach ad 135 tysiač dalaraŭ. Ahulnaja płošča takoj kvatery — 68,2 m².
Adzin z žyłych pakojaŭ usiaho 8 m², što tolki na 0,5 «kvadrata» mieniej za harderobnuju ŭ hetaj ža kvatery. Apošniuju vykarystoŭvajuć jak pracoŭnaje miesca.
U vannym pakoi adrazu jość vanna i dušavaja kabina.
Bolšaść trochpakajovych kvater u Novaj Baravoj vystaŭleny na prodaž u cenavym dyjapazonie 140-160 tysiač dalaraŭ.
Čytyrochpakajovyja kvatery startujuć sa 140 tysiač dalaraŭ. Stolki prosiać za pamiaškańni biez ramontu.
Adna z samych darahich kvater z vystaŭlenych na prodaž u Novaj Baravoj — dvuchuzroŭnievaja sa 118,7 «mietra» ahulnaj płoščy. Prosiać za jaje $199 000.
U kvatery jość adno pamiaškańnie vyšynioju ŭ dva pavierchi. Na samim druhim uzroŭni mieścicca ŭsiaho adzin žyły pakoj i sanvuzieł.
Niahledziačy na vysoki košt, ramont u adnoj z samych darahich kvater Novaj Baravoj zavieršany nie va ŭsich pakojach.
Siamja jabaciek raspaviała, jak im žyviecca ŭ Novaj Baravoj — kranalny repartaž ź dziaržSMI
Minčukam prapanavali tanna pabudavacca ŭ Lachavičach. Kolki achvotnych?
U Minsku i Hrodnie popyt na kvatery bje rekordy. Čamu tak adbyvajecca?
Napłyŭ turystaŭ — kvatery ŭ centry Hrodna zdajuć i pa 100 dalaraŭ za sutki. «Z takimi cenami kvateru možna adbić za niekalki hadoŭ»
Kamientary
a začiem čitaješ?
łovlu na
słovie