«Siła biełaruskich žančyn u tym, što ŭ ich biełaruskija mužčyny»
Ina Zajcava, viadomaja jak BČB-niaviesta, u novym vypusku na kanale «Tok» rezka adkazała na zaŭvahi ab roli žančyn u pratestach i dała acenku dziejnaści Śviatłany Cichanoŭskaj.
Ina Zajcava zaŭvažaje, što ŭ jaje vielmi drennaje staŭleńnie da tych, chto ličyć, što žanočyja akcyi padčas pratestaŭ ničoha nie dali.
«U mianie vielmi drennaje staŭleńnie da ludziej, jakija niešta majuć suprać kvietak i biełaruskich žančyn. Asabliva heta tyčycca ludziej, jakija jašče da 2014 hoda źjechali va Ukrainu, sa zbrojaj u rukach zmahalisia suprać druhich uzbrojenych ludziej śmieła i dziorzka. Heta nie źmianšaje ich śmiełaści i dziorzkaści.
Ale ja chaču skazać, što być z aŭtamatam u rukach suprać druhoha ŭzbrojenaha čałavieka daje inšaje adčuvańnie ŭłasnaj biezabaronnaści, čym u situacyi, kali ty ŭ niejkaj sukiency na biełaruskim mirnym maršy. I ja jašče mocna paspračajusia, dzie bolš treba mužnaści», — śćviardžaje žančyna.
Ina aburyłasia tym, što z boku takich mužčyn idzie krytyka Śviatłany Cichanoŭskaj za toje, što jana niešta nie tak zrabiła ci skazała. «Jakija vy krutyja sa zbrojaj u rukach suprać inšych uzbrojenych ludziej. Tam usio sumlenna: chto macniejšy», — kaža jana.
Ina ź ironijaj adznačaje, što siła biełaruskich žančyn — u biełaruskich mužčynach: «U nas šmat dastatkova infantylnych mužčyn. I heta nie paprok. Heta abumoŭlena vialikimi stratami ŭ čas Druhoj suśvietnaj vajny. Kali było šmat mužčyn stračana. Maci, jakija vychoŭvali svaich synoŭ (a heta rabili ŭ asnoŭnym žančyny), vielmi ich bierahli. I heta dajšło ŭ takim skažonym vyhladzie.
My, vychodziačy na pratesty ŭ biełych sukienkach, byli b nie suprać, kab nočču vychodzili biełaruskija mužčyny. My byli nie suprać. Prosta my rabili svaju častku. My rabili svaju častku pratestu. A mužčyny biełaruskija svajoj častki niejak nie zrabili. Mahčyma, tamu, što ŭsie byli zaniatyja va Ukrainie ŭ 2014-m hodzie. Nie dajechali. Nie skłałasia. A ciapier apaviadajuć, voś kab jany… Ja hatovaja paspračacca z usiakimi baradatymi, vusatymi z taho boku taksama».
Ina adznačyła, što dla jaje prykładam mocnaj biełaruskaj žančyny zjaŭlajucca Maryja Kaleśnikava i Śviatłana Cichanoŭskaja.
«Vializnaja pavaha Cichanoŭskaj. Toje, što jana robić, krytykujecca. Ja prosta ŭjaŭlaju ŭzrovień stresu, jaki jana pieražyła. I nahadaju, što jaje muž taksama siadzić u turmie. Jana z usich bakoŭ była ŭvieś hety čas akružanaja ryzykaj. Usio, što jana robić, addajučy hady svajho žyćcia nam, biełarusam… Joj vialikaja pavaha i majo zachapleńnie. Dziakuj», — padkreślivaje Ina Zajcava.
Hladzicie całkam:
Zdajuć u arendu katedž zahinułaha chakieista Cypłakova. Voś interjery FOTY4
Kamientary