Na biełaruski konkurs kinafiestyvalu «Paŭnočnaje źziańnie» zajavili 59 filmaŭ. Bolšaść ź ich — karotki mietr
Kamanda «Paŭnočnaha źziańnia» padzialiłasia vynikami konkursu dla biełaruskich režysioraŭ. Na fiestyval paŭnočnych i bałtyjskich krain tvorcy mahli padavać filmy ŭ lubym žanry, na lubuju temu i luboha chronamietražu, piša «Budźma».
«Biełaruski kiniematohraf viadomy zbolšaha dakumientalnymi filmami, ale ž sioleta bolšaść zajavak — ihravyja! Usiaho 28 prac. Akramia ich, zajavili 18 dakumientalnych, 10 ekśpierymientalnych i 3 animacyjnyja».
Admietna, što 49 z dasłanych filmaŭ — karotkamietražnyja, da 30 chvilin. 9 filmaŭ — siaredniaha mietru, ad 30 da 60 chvilin. Padali na fiestyval i adzin poŭnamietražny film.
Siarod filmmejkieraŭ — 57% režysioraŭ i 43% režysiorak. Padavali zajaŭki i ad hrupy aŭtaraŭ.
Nazvy stužak, jakija projduć adbor i voźmuć udzieł u kinafiestyvali, arhanizatary nazavuć u kastryčniku-listapadzie.
Biełaruski niezaležny kinaforum «Paŭnočnaje źziańnie» sioleta projdzie ŭ dziaviaty raz. Da prahladaŭ biełaruskaha konkursu možna budzie dałučycca anłajn i afłajn. Nahadajem, što letaś u biełaruskaj prahramie pieramahła Saša Kułak sa svajoj dakumientalnaj stužkaj «Mara».
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku29
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary