Ukrainski partał apublikavaŭ infahrafiku pra zamiežnych vajaroŭ, jakija zahinuli za Ukrainu. Biełarusaŭ aburyła adna detal
«Tak biełaruskich zahinułych dobraachvotnikaŭ jašče nichto nie aploŭvaŭ».
Artykuł ź infahrafikaj ukrainski analityčny partał «Słovo i diło» apublikavaŭ jašče ŭ kastryčniku. Adnak biełaruski X (były tvitar) źviarnuŭ na jaho ŭvahu tolki ciapier.
U artykule padličyli, kolki dobraachvotnikaŭ z roznych krain zahinuła ŭ 2022-2023 hadach, vajujučy za Ukrainu.
Pa sabranaj vydańniem infarmacyi, za hety čas zahinuła bolš za 40 biełaruskich vajaroŭ (adznačym, što pa padlikach biełaruskich miedyja ličba krychu mienšaja — 36). Bolš tolki siarod hruzinskich dobraachvotnikaŭ — 50+ (takija padliki pryvodzić «Słovo i diło»).
Ale karystalnikaŭ sacsietak aburyŭ čyrvona-zialony ściah, jakim u infahraficy prailustravali biełaruskich vajaroŭ.
«Našy chłopcy va Ukrainie pad sapraŭdnym biełaruskim ściaham zmahajucca», — pišuć u kamientarach i prosiać pastavić bieł-čyrvona-bieły ściah.
«Tak biełaruskich zahinułych dobraachvotnikaŭ jašče nichto nie aploŭvaŭ», — aburajucca.
Skilki inoziemnich dobrovolciv ta ź jakich krajin zahinuli na vijni v Ukrajini pic.twitter.com/TJSjX14Wrk
Chtości žartam dałučyŭ fota homielskaha vajenkoma Andreja Kryvanosava. «Toj samy biełaruski dobraachvotnik, pazyŭny «Zarad».
Zaŭvahi pra ściah padtrymali ŭkraincy.
«Pastaŭcie narmalny bčb-ściah», — napisaŭ adzin ź ich.
«Pad saŭkovym ściaham RB nichto nie vajuje», — dadaŭ inšy.
U kamientary pryjšoŭ i łukašyst, zapatrabavaŭšy vydalić aficyjny biełaruski ściah, jaki nie maje dačynieńnia da dobraachvotnikaŭ, «jakija pajechali vajavać za banderaŭcaŭ».
«Ja nie žalusia, ja chaču zachavać nahu, pakul heta mahčyma». Biełaruski dobraachvotnik užo čatyry miesiacy ŭ balnicy
«Albo vialiki honar, albo vialikaja hańba». Što adbyvałasia na kanfierencyi pałka Kalinoŭskaha pa stratehijach vyzvaleńnia Biełarusi
Biełarus adpraviŭsia na vajnu paśla vypadkovaj sustrečy ź Niaklajevym. U 23 hady ŭ bai jon straciŭ nahu. Voś što jon robić ciapier
Šturmavik Pałka Kalinoŭskaha pra rasijskich sałdat: Siadzieŭ z paŭtaraškaj piva kala padjezda, a ciapier z takimi ž prydurkami jedzie «mačyć ukropaŭ»
Bondarava abrynułasia na muziej Janki Kupały i mastaka Sušu14
Kamientary