U ZŠA novy vypadak stralaniny ŭ škole: niekalki paranienych, napadnik zastreliŭsia
Niekalki čałaviek atrymali ranieńni ŭ čaćvier ranicaj u vyniku stralaniny ŭ škole Perry High School u amierykanskim štacie Ajova. Incydent adbyŭsia ŭ pieršy dzień paśla školnych kanikuł, piša Ruskaja słužba Bi-bi-si.
Jak paviedamili ahienctvy CNN i NBC sa spasyłkaj na šeryfa akruhi Dałas Adama Infante, napadnik skončyŭ žyćcio samahubstvam, a kolkaść achviar i charaktar ranieńniaŭ pakul udakładniajucca.
Sam šeryf Infante padčas pres-kanfierencyi paćvierdziŭ, što asoba napadnika ŭstanoŭlenaja, ale ad dalejšych kamientaroŭ ustrymaŭsia.
Miascovaje infarmacyjnaje ahienctva WHO 13 paźniej nazvała imia strałka — Dyłan Batler, jon vučyŭsia ŭ hetaj samaj škole. Adzin z troch paranienych — dyrektar škoły Den Marburhier, jaki byŭ terminova dastaŭleny ŭ balnicu i praapieryravany z-za ahniastrelnych ranieńniaŭ.
Infante taksama adznačyŭ, što stralba pačałasia a pałovie vośmaj ranicy, kali zaniatki jašče nie pačynalisia i ŭ budynku škoły było paraŭnalna niašmat vučniaŭ, što, vierahodna, dazvoliła paźbiehnuć bolšaj kolkaści achviar.
Palicyja prybyła na miesca złačynstva ŭžo praz 7 chvilin. Paźniej da palicyjantaŭ dałučylisia ahienty FBR i supracoŭniki śpiecpadraździaleńnia pa baraćbie z teraryzmam.
Jak paviedamlajuć miascovyja ŚMI, mnohich školnikaŭ, jakija pryjechali ŭžo paśla incydentu, adpravili pa damach. Mama adnoj ź dzieviacikłaśnic raskazała, što jaje dačku litaralna prahnali ad škoły ŭ 07:45, a Eryka Džolif, maci šaścikłaśnika Amira, praz hadzinu paśla zdareńnia skazała žurnalistam, što ŭsio jašče nie viedaje, dzie znachodzicca jaje syn, ale vielmi spadziajecca, što ź im usio ŭ paradku.
Škoła Perry High School znachodzicca ŭ miastečku Pery z nasielnictvam krychu bolš za 8 tys. čałaviek, raźmieščanym na paŭnočny zachad ad stalicy štata, horada De-Mojn. Jana ŭvachodzić u školnuju sietku miascovaj hramady, u jakoj u ahulnym liku navučajecca 1785 čałaviek.
U «dziońnikach» strałkoŭ z Prahi i Branska vyjaviłasia adnolkavaja pamyłka. I ŭvohule jany vielmi dziŭnyja
Chłopiec, jaki zastreliŭ 15 čałaviek u Prazie, padazrajecca taksama ŭ zabojstvie maładoha mužčyny i jaho dvuchmiesiačnaj dački
Što viadoma pra strałka, jaki zabiŭ nie mienš za 15 čałaviek u Prazie
Školnica išła metanakiravana zabivać adnakłaśnicu z-za chłopčyka. Što viadoma pra stralbu ŭ branskaj škole
Što viadoma pra biełarusa Viktara Paviełku, jakoha ŭ Polščy padazrajuć u arhanizacyi napadaŭ na rasijskich apazicyjanieraŭ6
Kamientary